12 траўня А1 запусціў паслугу «АнтыРоўмінг» — яна павінна была прадухіліць нечаканыя і значныя спісы за мяжой. Але чытачы Onliner скардзяцца, што рэальнасць не супала з чаканнямі.
12 траўня А1 запусціў паслугу «АнтыРоўмінг» — яна павінна была прадухіліць нечаканыя і значныя спісы за мяжой. Але чытачы Onliner скардзяцца, што рэальнасць не супала з чаканнямі.
Новы рэжым аўтаматычна ўключаецца для ўсіх прыватных кліентаў з абанентнай платай, у якіх актыўныя паслугі «Мабільны інтэрнэт» і «Міжнародны роумінг/СМС-роумінг». Пры першым выхадзе ў інтэрнэт у роумінгу аўтаматычна актывуецца першы інтэрвал трафіку ў 500 МБ. Калі трэба больш — наступныя інтэрвалы ўжо па 1 ГБ. Кошт залежыць ад рэгіёна: краіны падзелены на дзве групы, першы інтэрвал каштуе ў іх 12 або 28 рублёў.
Людзі пачалі пісаць на форуме, што навінка прыводзіць да непрыемных выдаткаў.
«Я ў чужыне ўжо не першы месяц, інтэрнэтам у роумінгу не карыстаюся, ёсць лакальныя SIM-карты. SIM-ка A1 патрэбная толькі для банкаўскіх паслуг і SMS. Сёння спісалі 28 рублёў», — напісаў адзін.
«Такая ж гісторыя. Учора спісалі [грошы] за 10 КБ нейкага трафіку. У падтрымцы сказалі, што гэта новыя правілы роумінгу», — адзначыў другі. І дадаў: «Падстаў для перагляду няма. Больш за тое, гэты пакет [500 МБ — першы інтэрвал] дзейнічае толькі содні. Калі заўтра зноў скарыстаюць 10 КБ, гэта ўжо новы інтэрвал 500 МБ за 28 рублёў».
Трэці карыстальнік патлумачыў парталу: «Спісанне ідзе за 1 байт. Напрыклад, калі налады тэлефона па змоўчанні, у фонавым рэжыме пры рэгістрацыі ў сетцы можа стварацца злучэнне ў 4G/5G і перадавацца 10–20–30 КБ служэбнай інфармацыі, назаўтра поўнай сумы няма. Раней гэтыя сістэмныя злучэнні маглі быць, але надзвычай рэдка і каштавалі капейкі». Пры гэтым у карыстальніка ў тэлефоне ўстаноўлены ўсе наладкі, каб перадача даных у роумінгу была выключана.
Паводле іншага чытача, 12 траўня яму прыйшло СМС пра даступнасць першага інтэрвалу ў «АнтыРоумінгу». Мабільныя даныя на прыладзе былі адключаны, ніякія налады карыстальнік не змяняў, а паўторнай рэгістрацыі ў сетцы прылада не праходзіла.
«На наступны дзень адбылося спісанне [грошай]. Я звярнуўся ў службу падтрымкі оператара, каб удакладніць прычыну. У адказ мне прачытавалі памятку, паводле якой трэба не толькі адключыць мабільныя даныя і даныя ў роумінгу, але і перавесці тэлефон у 3G-режым, бо пры рэгістрацыі ў сетцы 4G магчымы тэхнічны трафік, нават калі ў наладках тэлефона мабільныя даныя адключаны», — сцвярджае карыстальнік.
Ён перавёў тэлефон у 3G-режым і адключыў «Інтэрнэт для тарыфнага плана». Але на наступны дзень адбылося другое спісанне з рахунку. «Па сутнасці, плата бярэцца не за свядомае карыстанне паслугай, а за тэхнічную асаблівасць працы сеткі, якую абанент не можа цалкам кантраляваць», — гаворыць карыстальнік.
Зрэшты, па расказе аднаго з абанентаў, грошы пазней вярнулі на рахунак.
Кампанія ў каментарыі выданню адзначыла, што праводзіць «складаную наладку ўсіх сістэм і ўзаемадзеянняў з роумінг-партнёрамі, у ходзе якой некаторыя абаненты маглі заўважыць улічванне тэхнічнага роумінг-трафіку ў дадатку». Гэты трафік патрэбны для рэгістрацыі ў сетках 4G замежных аператараў у адпаведнасці з асаблівасцямі тэхналогіі і стандартамі 3GPP. На такі выпадак прадугледжаны асобны тэхнічны інтэрвал, які не ўключаецца ў агульны разлік.
«У дадатку „Мой A1“ адлюстроўваюцца карэктныя налічэнні пасля таго, як сістэма выконвае ўлік тэхнічнага трафіку», — растлумачылі ў A1.
Релоцировались? Теперь вы можете комментировать без верификации аккаунта.