Аддзел навін 18 снежня 2024, 14:27

Новыя інструмент Google генеруе карцінкі без тэкставага апісання (ну амаль)

Google паказала інструмент пад назвай Whisk, які генеруе выявы на аснове карыстальніцкай выявы, не патрабуючы доўгага слоўнага апісання.

Пакінуць каментарый

Google паказала інструмент пад назвай Whisk, які генеруе выявы на аснове карыстальніцкай выявы, не патрабуючы доўгага слоўнага апісання.

Карыстальніку трэба загрузіць карцінкі з тэмай, кантэкстам і стылем, якія варта ўжыць у выніковай выяве. Па кожным з трох пунктаў можна загружаць некалькі карцінак для рэферэнсу, а пры жаданні можна дадаваць тэкставыя інструкцыі. Калі пад рукой карцінак няма, у Whisk ёсць значок ігральнай косткі, пры націсканні на які інструмент выдасць некалькі карцінак-промптаў (яны таксама будуць згенераваныя АІ).

Да кожнай згенераванай карцінкі Whisk стварае тэкставы промпт, які можна ўдакладніць або дапоўніць, калі вынік не задавальняе. Гатовую выяву можна дадаць у абранае або спампаваць.

The Verge адзначае, што на генерацыю сыходзіць некалькі секунд, што доўга, а карцінкі на выхадзе атрымліваюцца дзіўнаватымі. Google падкрэслівае, што інструмент пакуль не ідэальны — менавіта таму ёсць опцыя рэдагавання промптаў.