«Праца тут стала сумнай і дэмаралізуючай»: супрацоўнікі кажуць, што ШІ знішчае культуру Microsoft
Група цяперашніх і былых супрацоўнікаў Microsoft распаўсюджвае адкрыты ліст, у якім абвінавачвае кіраўніцтва ў гонцы за ШІ ў шкоду ўласнай камандзе, кліентам і экалагічным мэтам. Дакумент не новы, але прыцягнуў увагу пасля таго, як кампанія прапанавала добраахвотна звольніцца з выплатай кампенсацый прыкладна 60 тысячам чалавек — больш чым чвэрці ўсяго штату. Гэта найбуйнейшая такая прапанова ў яе гісторыі, адзначае The Times of India.
Група цяперашніх і былых супрацоўнікаў Microsoft распаўсюджвае адкрыты ліст, у якім абвінавачвае кіраўніцтва ў гонцы за ШІ ў шкоду ўласнай камандзе, кліентам і экалагічным мэтам. Дакумент не новы, але прыцягнуў увагу пасля таго, як кампанія прапанавала добраахвотна звольніцца з выплатай кампенсацый прыкладна 60 тысячам чалавек — больш чым чвэрці ўсяго штату. Гэта найбуйнейшая такая прапанова ў яе гісторыі, адзначае The Times of India.
У падпісаным «Занепакоенымі супрацоўнікамі Microsoft» лісце гаворыцца, што для многіх «праца ў Microsoft стала змрочнай і дэмаралізуючай». Аўтары звязваюць падзенне маральнага духу з перыядам, калі кампанія рэзка нарасціла інвестыцыі ў ШІ. Яны паказваюць на гіганцкія нагрузкі, бясконцыя рэарганізацыі і пастаянную пагрозу быць замененымі нейрасеткамі.
Паводле дадзеных The New York Times, супрацоўнікі пачалі распаўсюджваць ліст сярод калег яшчэ да таго, як 26 кастрычніка кампанія абвясціла пра праграму добраахвотнага сыходу. Аўтары патрабуюць прыцягваць супрацоўнікаў да прыняцця рашэнняў пра тое, як менавіта ствараецца і ўжываецца ШІ, а таксама спыніць прывязку выкарыстання нейрасетак да прэміравання або спагнання.
Прымусовыя ШІ-інструменты толькі пагаршаюць працу
У лісце апісана, як укараненне ШІ выглядае на практыцы. Супрацоўнікі заяўляюць, што іх прымушаюць выкарыстоўваць нейрасеткі амаль ва ўсіх аспектах працы — часта без нармальнага навучання і тлумачэнняў, апрача абстрактнай «хуткасці». У выніку спецыялісты аказваюцца замкнёныя ў бясконцым і дарагім цыкле: вывучыць новы інструмент, дарабіць або перарабіць няякасную выдачу ШІ і адкаціць наспех укаранёныя сырыя фічы.
Прэтэнзіі выходзяць далёка за межы офіснай руціны. У дакуменце са спасылкай на даследаванні самой жа кампаніі сцвярджаецца, што ШІ-агенты не ставяць бяспеку карыстальнікаў на першае месца, а ва ўнутраных планах апісваюцца спосабы «садзіць» людзей на ШІ-прадукты. Супрацоўнікі таксама пратэстуюць супраць засакрэчаных праектаў дата-цэнтраў, кантрактаў з Іміграцыйнай і мытнай службай ЗША (ICE) і ізраільскай арміяй, а таксама супраць таго, што яны называюць «кругавымі інвестыцыямі» вузкага кола ШІ-кампаній.
Патрабаванні групы разбіты на тры блокі: ніякай распрацоўкі ШІ без удзелу і абароны супрацоўнікаў; ніякай эксплуатацыі ШІ без абароны грамадства; ніякіх адступленняў ад экалагічных абавязацельстваў дзеля ШІ. Па апошнім пункце ад Microsoft патрабуюць пацвердзіць мэты да 2030 года: адмоўны вугляродны след, станоўчы водны баланс і нулявы ўзровень адходаў. Да руху запрашаюць далучыцца штатных супрацоўнікаў, персанал дачыніх кампаній (GitHub, LinkedIn), пастаўшчыкоў, стажораў і падрадчыкаў.
Microsoft прапанавала 60 000 супрацоўнікам звольніцца за грошы. Гэта чвэрць штату
Праграма закране Індыю, ЗША, Вялікабрытанію і Канаду
Праграма добраахвотнага сыходу закранула супрацоўнікаў у Індыі, ЗША, Вялікабрытаніі і Канадзе. Сейлзаў і некаторыя інжынерныя каманды яна не закранула. Тым, хто згодзіцца сысці, гарантуюць выплату мінімум васьмі тыдняў акладу з павышэннем сумы ў залежнасці ад грэйда і стажу. Час на роздум далі да 9 снежня, а датай звальнення стане 31 снежня. У Microsoft разлічваюць, што прапановай скарыстаюцца менш за 5% падпадаючых пад крытэрыі супрацоўнікаў.
Для Microsoft гэта ўжо другая падобная хваля ў 2026 годзе. У красавіку прыкладна 8,6 тысячам найстарэйшых супрацоўнікаў у ЗША прапанавалі датэрмінова выйсці на пенсію, і каля 30% згадзіліся. У ліпені кампанія скараціла яшчэ 4,8 тысячы працоўных месцаў, у тым пятую частку каманды Xbox. Гэтаму папярэднічалі звальненні 10 тысяч чалавек у 2023 годзе і больш за 15 тысяч — у 2025-м. Агульная колькасць персаналу на чэрвень складала 223 тысячы чалавек — на 5 тысяч менш, чым годам раней.
Рэкордныя прыбыткі і $170 млрд на ШІ — супраць індэксацыі заробкаў ніжэй за 1%
Унутры кампаніі звярнулі ўвагу на таймінг. Усяго праз два дні пасля абвяшчэння праграмы звальненняў Microsoft адчыталася пра квартальны прыбытак у $36,6 млрд (рост на 32%) пры выручцы ў $92,3 млрд. Капітальныя выдаткі, якія пайшлі ў асноўным на дата-цэнтры, скочылі на 30% — да $45,2 млрд. Усяго за гэты каляндарны год кампанія плануе патраціць каля $170 млрд.
У размове з The New York Times супрацоўнікі прызналіся, што індэксацыя заробкаў за заслугі (merit raises) сёлета была смехатворнай — у некаторых выпадках ніжэй за 1%. На агульным сходзе супрацоўнікаў у мінулым месяцы пытанне пра тое, як кіраўніцтва балансуе траты ў $100+ млрд у год на ШІ з замарозкай заахвочванняў персаналу, сабрала больш за 80 рэакцый — амаль удвая больш, чым большасць іншых тэмаў.
«Я папросту не магу паверыць, наколькі ўсё стала змрочна толькі за апошнія тры гады», — падзялілася з выданнем 57-гадовая Грэтхен Томас, якая займала пазіцыю ліда ў дызайне і звольнілася ў верасні пасля пяці гадоў працы. Ейны пакет акцый урэзалі ў тым ліку за тое, што яна «не дэманстравала пастаяннай хуткасці і гатовасці да эксперыментаў», у тым працу з ШІ.
Кіраўніцтва Microsoft заяўляе, што праграма водкупу ад супрацоўнікаў не звязана з тым, як ШІ мяняе працоўныя працэсы. Але верагоднасць далейшых скарачэнняў там не адмаўляюць.
Тых жа, хто застаецца, найбольш турбуе аб’ём задач, які расце. Адразу некалькі супрацоўнікаў заявілі, што не чакаюць замены сыходзячым калегам — а значыць, іх нагрузка ляжа на плечы тых, хто застаўся.
Релоцировались? Теперь вы можете комментировать без верификации аккаунта.