Калі падыходы канкурэнтаў адрозніваюцца ад вашых і прыносяць ім поспех, магчыма, мае сэнс змяніць курс. Так сказаў гендырэктар OpenAI Сэм Альтман у часе нядаўняй сесіі пытанняў і адказаў на Reddit.
Калі падыходы канкурэнтаў адрозніваюцца ад вашых і прыносяць ім поспех, магчыма, мае сэнс змяніць курс. Так сказаў гендырэктар OpenAI Сэм Альтман у часе нядаўняй сесіі пытанняў і адказаў на Reddit.
Як піша Business Insider, у часе дыскусіі было закранута некалькі тэм, звязаных з АІ, у тым ліку кітайскі стартап DeepSeek. Адзін з карыстальнікаў спытаў, ці можа OpenAI адкрыць «усе токены разважанняў» сваіх мадэляў. Гэтыя токены складаюць лагічны ланцужок думаючых мадэляў, якія разбіваюць сваё разуменне карыстальніцкага запыту на асобныя крокі, каб сфармуляваць адказ.
Мадэлі o1 і o3 ад OpenAI залічваюцца да думаючых, але прамежкавы працэс іх разважанняў скрыты ад карыстальніка — выводзіцца толькі гатовы адказ. Мадэлі DeepSeek, напрыклад, R1, дазваляюць паглядзець кожны крок разважанняў.
Дык вось, Альтман заявіў, што OpenAI зробіць так сама, як DeepSeek. Ён паабяцаў, што неўзабаве кампанія будзе «паказваць значна больш карысных і дэталёвых» разважанняў мадэляў.
Вядучы АІ-даследчык Meta Ян Лекун лічыць галоўнай высновай з поспеху DeepSeek тое, што оўпэнсорсныя мадэлі каштоўнейшыя за прапрыетарныя. Большасць мадэляў сямейства llama, над якімі працуе Meta, адкрытыя, а доступ да іх вагі і параметраў свабодны і бясплатны для ўсіх. Гэта дазваляе распрацоўшчыкам кастамізаваць мадэлі для сваіх патрэб.
OpenAI, нягледзячы на сваю назву, прытрымліваецца іншага падыходу — ейныя мадэлі ў асноўным закрытыя, а доступ да іх даецца за грошы. Альтмана спыталі, ці не плануе OpenAI прыадкрыць свае мадэлі, у прыватнасці, вагу і даследаванні.
Альтман адказаў, што цяпер у OpenAI ідуць абмеркаванні з гэтай нагоды. «Асабіста я думаю, што ў гэтым плане мы апынуліся не на тым баку гісторыі, і нам патрэбная іншая стратэгія па адкрытым кодзе», — сказаў гендырэктар. Ён дадаў, што не ўсе ў кампаніі падзяляюць ягоны пункт гледжання, але цяпер у яе гэта не ў прыярытэце.
Рэлацыраваліся? Цяпер вы можаце каментаваць без верыфікацыі акаўнта.
Пришло время копировать у китайцев? :)
Да что там копировать - тут не грех и своровать.
Капиталист почуял 300% прибыль.