У якіх краінах людзі працуюць больш за ўсё
Паводле даных Міжнароднай арганізацыі працы, сярэднестатыстычны працаўнік працуе 43,9 гадзіны на тыдзень. Аднак гэтая лічба вар'іруецца ад краіны да краіны ў залежнасці ад культурных нормаў, эканамічнага ўкладу і працоўнага заканадаўства. Visual Capitalist паказаў на карце сярэднюю працягласць працоўнага тыдня ў 108 са 187 краін-сяброў МАП. Гаворка пра наёмных працаўнікоў — фрылансераў не ўлічвалі. За аснову ўзятыя самыя свежыя з даступных па кожнай краіне даныя — гэта 2021–2023 год.
Больш за ўсё працаваць даводзіцца жыхарам Індыі — 56 гадзін на тыдзень. Гэтая краіна вядомая сваёй жорсткай культурай працы, а кіраўнік адной з найбуйнейшых мясцовых ІТ-кампаній Infosys з усёй сур’ёзнасцю заяўляе, што моладзь мае працаваць па 70 гадзін.
Пры гэтым па мерках арганізацыі працаваць даўжэй за 48 гадзін лічыцца залішнім, бо перапрацоўкі шкодзяць здароўю, бяспецы, прадукцыйнасці і парушаюць баланс паміж працай і асабістым жыццём.
Акрамя Індыі, гэты паказчык перавышаюць яшчэ дзевяць краін. 4 краіны антытопа-5 знаходзяцца ў Азіяцка-Ціхаакіянскім рэгіёне. Сюды таксама ўвайшлі Бутан (53,3), Бангладэш (50,4), Уганда (50,3) і Камбоджа (49,5).
Самы кароткі працоўны тыдзень зафіксаваны ў Нідэрландах — 29,5 гадзін. За ёй ідуць Руанда (29,9), Ірак (31,6), а таксама Аўстрыя (32,4) і Данія (32,6).
У Беларусі, паводле звестак МАП, людзі ў сярэднім працуюць 39,2 гадзіны на тыдзень.
Читать на dev.by