Кіраўнік Anthropic назваў 4 тыпы людзей, якіх ніколі не возьме на працу. І якіх шукае
Не губляйце час — свой і рэкрутэраў Anthropic, калі вы прывыклі быць у цэнтры ўвагі і працаваць на свой піяр. Пра гэта генеральны дырэктар кампаніі Дарыё Амадэі папрасіў у пятнічным інтэрв’ю з кіраўніком JPMorgan Джэймі Дайманам.
Не губляйце час — свой і рэкрутэраў Anthropic, калі вы прывыклі быць у цэнтры ўвагі і працаваць на свой піяр. Пра гэта генеральны дырэктар кампаніі Дарыё Амадэі папрасіў у пятнічным інтэрв’ю з кіраўніком JPMorgan Джэймі Дайманам.
Паводле Амадэі, кампанія адсейвае нават моцных тэхнароў, калі яны не ўпісваюцца ў культуру. Пры гэтым штат стартапа імкліва расце: паводле дакументаў для IPO, колькасць супрацоўнікаў павялічылася прыкладна з 940 чалавек у канцы 2024 года да 5300 да канца верасня.
«Нам не трэба токсікі. Нам не трэба людзі, якія спрабуюць перацягнуць коўдру на сябе і дрэнна працуюць у камандзе. Нам не трэба людзі, якія не арыентаваныя на грамадскае дабро», — пералічыў Амадэі.
Амадэі, які раней працаваў віцэ-прэзідэнтам у даследаваннях у OpenAI і старшым навуковым супрацоўнікам у Google Brain, назваў людзей і ўнутраную культуру «самымі важнымі рэчамі» ў кампаніі. Цяпер ён выдае на гэтыя пытанні ад 40% да 50% свайго працоўнага часу.
«Высокі давер і мінімум эга»
Паводле кіраўніка Anthropic, тэхналогіі ствараюць людзі, таму рэпутацыя кампаніі ды яе прадукты напрамую залежаць ад тых, хто над імі працуе. Яшчэ на старце Амадэі ды шасцёра яго сузаснавальнікаў дамовіліся, што падбор людзей і культура будуць для іх прыярытэтам.
«Калі паслядоўна прытрымлівацца гэтага падыходу, на пачатку гэта даецца цяжка. Але ў выніку ўся каманда будзе працаваць разам ды гуляць на адным баку», — сказаў Амадэі.
На сваім сайце Anthropic называе сябе «арганізацыяй з высокім узроўнем даверу і нізкім узроўнем эга», а ў праспекце да IPO гаворыцца, што «каманды працуюць у асяроддзі, арыентаваным на пошук ісціны, дзе перамагае лепшы аргумент, а не самы гучны голас або самая высокая пасада».
Амадэі імкнецца падаваць прыклад адкрытасці іншым кіраўнікам. Кожныя два тыдні ён праводзіць агульную сустрэчу для ўсёй кампаніі пад назвай «Dario Vision Quest», дзе без карпаратыўнага жаргону расказвае супрацоўнікам пра рэальнае становішча справаў. На ягоную думку, гэта памагае выбудаваць узаемны давер унутры каманды.
«Людзі адчуваюць, што мы з імі шчырыя», — патлумачыў Амадэі, дадаўшы, што для кампаніі гэта сапраўды важна.
ШІ-звальненні пакідаюць «доўгатэрміновыя» блізны: Goldman Sachs параўнаў іх з тэхналагічнымі крызісамі за 40 гадоў
Стаўка на ўтрыманне каманды
Такі падыход працуе, таму што супрацоўнікі падзяляюць агульныя мэты: ці то навучанне мадэлі, задачы ў бяспецы, запуск прадукту або праца з рэгулятарамі — «уся кампанія ўключаецца ў працу, каб давесці справу да канца».
Гэтая атмасфера дапамагае ўтрымліваць людзей, што крытычна важна праз залежнасці кампаніі ад вопытных кіраўнікоў і ключавых інжынераў. Паводле Амадэі, у Anthropic дасюль працуюць усе сем сузаснавальнікаў, у тым яго самога, а таксама больш за 75% з першай сотні супрацоўнікаў. У дакументах да IPO кампанія паказала, што ўзровень непажаданай цякучасці кадраў за 12 месяцаў склаў усяго каля 1%.
Больш за тое, паводле Амадэі, звольненыя супрацоўнікі нярэдка просяцца назад. Ён прывёў у прыклад двух буйных прадуктавікоў, якія сышлі, але вярнуліся ўжо праз два тыдні. «Сказалі: „Выбачце, мы не цанілі тое, што ў нас было"», — перадаў Амадэі іхныя словы.
Релоцировались? Теперь вы можете комментировать без верификации аккаунта.