Былы інжынер Google заявіў, што кампанія адстае па ўкараненні ШІ. Яна публічна агрызнулася
Экс-інжынер Google Стыў Егэ на мінулым тыдні заявіў, што паводле ягонага знаёмага, які працаваў тут тэхнічным дырэктарам каля 20 гадоў, укараненне штучнага інтэлекту ў кампаніі ідзе прыкладна як у John Deere — вытворцы трактароў. Кажа, што тыповая карціна ў індустрыі выглядае так: 20% супрацоўнікаў — прасунутыя карыстальнікі агентных інструментаў, 20% — прынцыповыя адмоўнікі, а 60% усё яшчэ сядзяць на Cursor ці аналагічных чат-інструментах. Google, паводле ягоных дадзеных, не выключэнне.
Экс-інжынер Google Стыў Егэ на мінулым тыдні заявіў, што паводле ягонага знаёмага, які працаваў тут тэхнічным дырэктарам каля 20 гадоў, укараненне штучнага інтэлекту ў кампаніі ідзе прыкладна як у John Deere — вытворцы трактароў. Кажа, што тыповая карціна ў індустрыі выглядае так: 20% супрацоўнікаў — прасунутыя карыстальнікі агентных інструментаў, 20% — прынцыповыя адмоўнікі, а 60% усё яшчэ сядзяць на Cursor ці аналагічных чат-інструментах. Google, паводле ягоных дадзеных, не выключэнне.
Рэакцыя не прымусіла сябе чакаць. Публічна адказаў CEO Google DeepMind Дэміс Хасабіс: «Можа, скажы свайму сябру, каб заняўся сапраўднай працай і не распаўсюджваў поўную лухту. Гэты пост — абсалютная хлусня і чысты клікбэйт».
Maybe tell your buddy to do some actual work and to stop spreading absolute nonsense. This post is completely false and just pure clickbait.
Дырэктар Google Cloud Адзі Асмані таксама абверг Егэ: паводле ягоных дадзеных, агентнымі інструментамі для напісання кода штотыдзень карыстаюцца больш за 40 тысяч інжынераў Google.
Much love for your work, Steve.
On behalf of @Google, this post doesn’t match the state of agentic coding at our company. Over 40K SWEs use agentic coding weekly here. Googlers have access to our own versions of @antigravity, @geminicli, custom models, skills, CLIs and MCPs for…
Егэ парыраваў абодва аргументы. На рэпліку Хасабіса ён адказаў, што гатовы перапрасіць — «калі Google зможа пераканаць мяне, што палова яе інжынераў спальвае па 4 млн токенаў у дзень». Статыстыку Асмані ён разабраў асобна: «Штотыднёвае выкарыстанне тонкага інструмента — гэта менавіта тое фармальнае выкананне галачкі, пра якое я пісаў першапачаткова. Колькасць адкрыццяў — гэта не ўкараненне. „Штотыдзень“ — нізкая планка, якая ўключае масу людзей, якія паспрабавалі адзін раз і вярнуліся да напісання кода рукамі».
На гэтым тыдні Егэ пайшоў далей і заявіў, што атрымаў паведамленні ад супрацоўнікаў з розных падраздзяленняў Google. Ён кажа, унутры кампаніі склалася двухузроўневая сістэма: інжынеры DeepMind актыўна выкарыстоўваюць Claude ад Anthropic на штодзённай аснове, тады як рэшце дастаюцца ўнутраныя версіі Gemini. «Гэта не падобна на інжынерную кампанію, у якой усё ў парадку», — напісаў ён.
My tweet last week about Google’s AI adoption drew a lot of pushback, to say the least.
Since then, Googlers from multiple orgs have reached out to me independently and anonymously. They’ve expressed fear of being doxxed, concern about what they saw as bullying of me, and…
Тут важны кантэкст, падкрэслівае Business Insider: Claude Code ад Anthropic цяпер лічаць галіновым стандартам сярод агентных інструментаў для праграмавання, і многія распрацоўшчыкі адкрыта аддаюць перавагу яму, а не прадуктам OpenAI і Google. Унутраны ШІ-adoption — гарачая тэма ў Крэмніевай даліне: Meta, напрыклад, ужо праславілася ўнутранымі рэйтынгамі па спажыванні токенаў. Але Егэ, здаецца, і не збіраецца нікога ні ў чым пераконваць: «Вы можаце верыць піяршчыкам Google і іхным галоўным ШІ-даследчыкам — або верыць сябрам, якія там рэальна працуюць. Я свой выбар зрабіў».
Релоцировались? Теперь вы можете комментировать без верификации аккаунта.