12 бязвізавых краін, дзе можна сустрэць Новы год з бацькамі

З Мінска ў Баку ёсць прамы рэйс «Белавія». Так, 20 снежня квіток будзе каштаваць каля 260 долараў, а 30 снежня — ужо больш за 420 (цэны ў адзін бок для аднаго дарослага).

Для параўнання: цана зваротнага квітка 2 студзеня — 186 долараў.

Грамадзяне Беларусі могуць знаходзіцца ў Албаніі да 30 дзён ад даты ўезду. Паміж Мінскам і Тыранай цяпер няма прамых авіязносін. Так што калі вам трэба ў Албанію, паспрабуйце наступную схему: спачатку ў Стамбул (кошты будуць ніжэй у тэксце), а потым бераце квіток ад Turkish Airlines. 

22 снежня адное месца ў эканоме абыдзецца ў 3 тысячы турэцкіх лір (крыху больш за 160 долараў), а вось 27 або 29 снежня — 4,8 тысячы лір (менш за 260 долараў).

Цана квіткоў з Мінска ў Ерэван адрозніваецца ў залежнасці ад даты. Напрыклад, вылет 21 і 30 снежня будзе каштаваць 780 долараў, а вось 23-25 снежня — «усяго» 464 долары.

Вяртанне ў Мінск 2 студзеня абыдзецца менш чым у 210 долараў.

Здаецца, адзін з самых папулярных кірункаў з Беларусі. «Белавія» лётае адразу ў тры грузінскія гарады: Тбілісі, Батумі і Кутаісі.

На жаль, у Батумі ўжо не засталося квіткоў на святочныя даты (на сайце і ў праграме авіякампаніі ёсць толькі на 17 снежня за 456 долараў).

У Тбілісі яшчэ атрымаецца паляцець прыкладна за 455-560 долараў, квіткі — максімум на 23 чысло.

У Кутаісі адзіная даступная дата — 19 снежня і 146 долараў у адзін бок.

Але ёсць і «план Б»: сесці на «Ластаўку» з Мінска ў Маскву, купіць у сталіцы РФ квіток на самалёт да Уладзікаўказа (прыкладна 150-200 долараў). А там ужо злавіць маршрутку да Тбілісі. Яна каштуе ў межах 3-7 тысяч расійскіх рублёў (каля 50-100 долараў), але будзьце ўважлівыя, каб не натрапіць на махляроў. Таксама сочыце за аб’явамі ў чаце «Верхні Ларс» — там публікуюць навіны пра закрыццё КПП праз снегапады.

Беларусам дазволена знаходзіцца ў Ізраілі да 90 дзён на працягу паўгода. Прамых рэйсаў з Мінска няма, але можна даляцець з перасадкай у Тбілісі. 

Адтуль у Тэль-Авіў лётае Georgian Airways: усяго 2,5 гадзіны, цана вагаецца ў межах 169-558 долараў (прычым 29-30 снежня можна дабрацца да Ізраіля ўсяго за 230 долараў у адзін бок).

Рэйс «Белавія» з Мінска ў Алматы 22 і 30 снежня будзе каштаваць каля 330 долараў, 24 снежня — крыху менш за 450 долараў. Даражэйшы за ўсё — квіток на 20 снежня: прыкладна 840 долараў. 

Яшчэ адная опцыя — рэйс да Актау за 340-490 долараў у адзін бок.

Прамых рэйсаў з Мінска зноў жа няма. Але ёсць варыянт спачатку дабрацца да Тбілісі, а адтуль паляцець у Кішынёў рэйсам Air Moldova за 120-130 еўра. Хаця, пэўна, у гэтым выпадку будзе лагічней сустрэцца ўжо ў Грузіі.

У Аб’яднаных Арабскіх Эміратах беларусам можна знаходзіцца не больш за 90 дзён ад даты ўезду.

З Мінска ў Дубай ёсць прамы рэйс «Белавія». Самы кароткі палёт 20 снежня будзе доўжыцца крыху больш за 6 гадзін і будзе каштаваць прыкладна 270 долараў. А вось 30 снежня давядзецца ляцець не менш за 11 гадзін і аддаць не менш за 780 долараў.

У Шарджу беларуская авіякампанія давязе за 360-890 долараў у залежнасці ад даты.

Беларусы могуць знаходзіцца ў Сербіі без візы да 30 дзён. Прамога рэйса няма. Але ў праграме «Белавія» прапануюць такую схему: вылет з Мінска ў Бялград з перасадкай у Стамбуле. Працягласць палёту — крыху больш за 9 гадзін (ёсць і варыянты на 25 гадзін, але гэта для экстрэмалаў). Квіток у адзін бок 21 снежня — 396-533 долары, і 29-га — 1007 долараў.

Яшчэ адзін папулярны варыянт, дзе беларусам дазволена знаходзіцца без візы да 30 дзён. У Стамбул 20-21 снежня можна дабрацца за 243-295 долараў, затым цана ўзрастае да 390 (22 снежня), 527 (23-27 чыслы) і 790 долараў (28-29 снежня).

«Белавія» лётае і ў Ташкент. Цэнавы дыяпазон за 1 квіток у адзін бок — 225-784 долары (пры гэтым зваротны квіток на 4 студзеня каштуе крыху больш за 240 долараў).

Без візы — да 30 дзён. Зноў жа, прамых рэйсаў з Мінска няма. Але ёсць варыянт даляцець да Стамбула, і там сесці на рэйс ад Turkish Airlines. 

Палёт з Турцыі ў Чарнагорыю будзе доўжыцца крыху менш за дзве гадзіны. Эканом 20 снежня абыдзецца ў 6,2 тысячы турэцкіх лір (каля 330 долараў).

24 чысла — 3,6 тысячы турэцкіх лір (прыкладна 190 долараў).

І даражэй за ўсё 30 снежня — ад 7,8 тысячы да 12,1 тысячы турэцкіх лір (420-650 долараў).

Нам можна дапамагчы праз Patreon. Выберыце штомесячны ўзровень падтрымкі: 10, 20, 30, 100 ці 500 долараў — або ўнясіце любую суму.

А яшчэ мы прымаем крыптавалюту.

Bitcoin
bc1qae22u3sg8es6j22pg4mmyrdvvym0vxjyesxhhw

Etherium
0×831a6641721E70af32dDa262F4110eB704af8c05

Tether USD (USDT) on ETH Network
0×831a6641721E70af32dDa262F4110eB704af8c05

Zcash
t1R5UM9VMR1hJvJqTJ9w5bAmHxrDLJ9Nxmh

Дзякуй, што вы з намi.