Выхадцы з Яндэкса стварылі сэрвіс з вялікімі планамі. Пасля «нарады пра таксі» іх разнеслі па ТБ

У эфіры канала «Беларусь-1» выйшаў/watch?v=Ngi4HulVkw8" target="_blank" rel="noopener"> сюжэт пра крымінальную справу паводле арт. 243 КК РБ (ухіленне ад выплаты падаткаў) у дачыненні да «аднаго з найбуйнейшых інтэрнэт-агрэгатараў у сферы пасажырскіх перавозак». Па ёй нібыта праходзіць больш за 20 падазраваных і абвінавачаных. Рэпартаж з’явіўся ў дзень нарады аб аўтамабільных пасажырскіх перавозках, дзе казалі пра «жорсткія, празрыстыя і зразумелыя правілы гульні» і «бессаромных дзялкоў».

Уладзімір Фундатар і Андрэй Данцоў вядомыя як заснавальнікі сэрвісу «Атлас», або Аtlasbus, на якім можна забраніраваць месца ў міжгародняй маршрутцы.

Калі менавіта распачатая крымінальная справа — незразумела. Яшчэ ў сакавіку 2023 медыя пісалі пра прэтэнзіі да гэтай платформы. Але, здаецца, тады гаворка ішла толькі пра «анонс падатковай праверкі», а «Атлас» даў прымірэнчы каментар: «Мы разлічваем на тое, што ўсе партнёры сэрвісу добрасумленна выконваюць устаноўленыя нормы і правілы. А любыя праверкі кантралюючых органаў стымулююць перавозчыкаў яшчэ больш старанна падыходзіць да выканання патрабаванняў дзейнага заканадаўства, маючы ў тым ліку і прафілактычны эфект».

З роліка незразумела, ці знаходзяцца фаўндары ў зняволенні. Там толькі паказалі нібыта выяўленыя «ў бойлеры» грошы ў доме Данцова і агучылі, што «фігуранты супрацоўнічаюць са следствам, даюць прызнальныя паказанні і прымаюць меры да пакрыцця нанесенай дзяржаве шкоды».

Маштабы шкоды ў сюжэце сфармуляваныя так: «Агульная выручка камерцыйных структур, якія аб’яднала платформа, у 2022 склала больш за 50 млн рублёў. Ёсць звесткі, што звыш 10 млн рублёў ніхто не ўнёс у падатковыя дэкларацыі. А ценявы абарот па ўсёй краіне, паводле сціплых падлікаў, мог быць звыш 30 млн рублёў».

Што за сэрвіс

Аtlasbus (ТАА «Анлайн маршруткі») пазіцыянуе сябе як «тэхналагічны сэрвіс, які аб’ядноўвае перавозчыкаў і пасажыраў». На сайце сэрвісу ёсць карта маршрутаў: там не толькі амаль уся Беларусь, але і шмат расійскіх гарадоў, а таксама гарады Польшчы і Літвы. Ёсць і актыўныя ўнутрырасійскія маршруты, напрыклад, Екацерынбург-Чэлябінск.

У роўдмап прапісаны шлях ад рэлізу праграмы ў 2019 годзе да запуску ўнутрыеўрапейскага маршруту, запланаванага на чэрвень 2023 года (не знайшлі актыўнага). На красавік 2022 года, мяркуючы  роўдмапа, кампанія перавезла 10 млн пасажыраў.

Пры гэтым «Атлас» прэзентуе сябе як сэрвіс, створаны выхадцамі з Яндэкса. 

Хто заснавальнікі

Андрэй Данцоў у лінкедзін-профілі называе сябе «спецыялістам па транспартным заканадаўстве, заснавальнікам сэрвісу пасажырскіх перавозак, таксі, GR». З Магілёва. Працаваў у аддзеле развіцця бізнэсу Яндэкса ў 2016–2018 гадах. 

Уладзімір Фундатар, мяркуючы з лінкедзіна, скончыў БНТУ, да заснавання Atlasbus працаваў камерцыйным дырэктарам у маскоўскім Yandex.Bus (2017–2019 гады).