У топ-10 прафесій, якімі найбольш цікавяцца амерыканцы ў век ШІ, няма ніводнай айцішнай

Часцей за ўсё — у сярэднім 38,1 тысячы разоў у месяц — амерыканскія карыстальнікі спрабавалі даведацца, як стаць натарыусам. 36 тысяч запытаў у месяц набралі пажарныя. На трэцім месцы ідуць рыэлтары — імі цікавіліся 35 тысяч разоў у месяц.

Астатняя частка топ-10 папулярных прафесій выглядае так:

4. юрыст
5. турагент
6. фармацэўт
7. электрык
8. памочнік юрыста
9. псіхатэрапеўт (гаворка пра прафесію «therapist». Гэта слова перакладаецца і як «тэрапеўт», гэта значыць доктар агульнай практыкі, але ў ЗША звычайна выкарыстоўваецца ў значэннях «псіхолаг» і «псіхатэрапеўт».)
10. узіст (ультрагукавая дыягностыка).

Аналітыкі адзначаюць, што гэтыя і іншыя прафесіі з першай трыццаткі часцей за ўсё былі звязаныя з юрыспрудэнцыяй, аховай здароўя, кваліфікаванай працай і падпрацоўкамі з нізкім парогам уваходу. Людзі шукаюць магчымасці хуткага заробку, самарэалізацыі, падарожжаў, а таксама магчымасць прыносіць карысць грамадству.

Вынікі даследавання згаджаюцца з высновамі іншых даследчыкаў аб тым, што зумеры ўсё часцей выбіраюць тэхнічныя прафесіі, якія дазваляюць атрымаць непасрэдны досвед, замест офіснай працы «з 9 да 5», што яны стараюцца паменш выкладвацца на асноўнай працы, каб больш сіл аддаваць цікавым падпрацоўкам, і што джуноў усё часцей замяняе ШІ.

Студэнты ўсё менш хочуць працаваць у ІТ-кампаніях

Па тэме

Студэнты ўсё менш хочуць працаваць у ІТ-кампаніях

Амерыканскія зумеры знайшлі нечаканую альтэрнатыву хісткаму ІТ: дзяржсектар

Па тэме

Амерыканскія зумеры знайшлі нечаканую альтэрнатыву хісткаму ІТ: дзяржсектар