Аддзел навін 23 жніўня 2024, 14:10

4 з 5 рэкруцёраў посцяць вакансіі-пустышкі

Шукаць працу сёння і так няпроста: у сеціве гуляюць гісторыі пра тое, як людзі падаюць сотні заявак, а ў адказ чуюць толькі магільнае маўчанне рэкруцёраў, якія толькі ўскладняюць пошук фэйкавымі вакансіямі.

4 каментарыя

4 з 5 рэкруцёраў посцяць вакансіі-пустышкі

Шукаць працу сёння і так няпроста: у сеціве гуляюць гісторыі пра тое, як людзі падаюць сотні заявак, а ў адказ чуюць толькі магільнае маўчанне рэкруцёраў, якія толькі ўскладняюць пошук фэйкавымі вакансіямі.

Каля 81% рэкруцёраў, якія ўдзельнічалі ў апытанні MyPerfectResume, прызналіся, што іх кампаніі выкладваюць так званыя «вакансіі-прывіды», якія не існуюць або ўжо запоўненыя. Гэта велізарная лічба, адзначаюць спецыялісты платформы, і гэта вельмі псуе жыццё людзям, якія сапраўды спрабуюць знайсці працу. Паводле іх слоў, ад суіскальнікаў часта гучаць фразы пра тое, што яны «стаміліся, у дэпрэсіі, у роспачы», калі гаворка заходзіць пра рынак працы. «Гэта адная з прычын, чаму яны губляюць веру ў арганізацыі і кампаніі», — дадаюць у MyPerfectResume.

Рэкруцёры прызналіся не толькі ў тым, што практыкуюць гэта, але і ў тым, наколькі часта. Каля 17% сказала, што тры чвэрці іх вакансій несапраўдныя, у 21,5% фэйкавыя вакансіі складаюць палову ад усіх, што яны публікуюць, у 36% — чвэрць, а ў 18% фэйкавая або ўжо запоўненая не больш як кожная дзясятая вакансія.

Можа падацца, што рэкруцёры шкодзяць не толькі суіскальнікам такімі вакансіямі, але і сабе, бо яны марнуюць свой час на іх публікацыю. Але яны сцвярджаюць, што ў гэтым ёсць сэнс: каля 38% апытаных рэкруцёраў посціць неісныя вакансіі для дэманстрацыі прысутнасці на джаббордах, пакуль насамрэч не хайрыць, 26% назапашваюць пул кандыдатаў на будучыню, яшчэ столькі ж імкнуцца вывучыць рынак і канкурэнтаў, а 25% спрабуюць ацаніць, наколькі складана будзе замяніць тых ці іншых працаўнікоў.