5 галоўных навуковых і тэхналагічных хабаў свету знаходзяцца ў Азіі. Вось топ-50
У 2023 годзе свет накрыла новая хваля навукова-тэхналагічных дасягненняў у АІ і ў самых розных іншых сферах. Visual Capitalist адлюстраваў на інфаграфіцы 50 навуковых і тэхналагічных цэнтраў свету, якія граюць галоўную ролю ў развіцці інавацый. За аснову ўзятыя даныя Global Innovation Index Сусветнай арганізацыі інтэлектуальнай уласнасці за 2023 год.
Пяць першых гарадоў рэйтынгу знаходзяцца ў Азіі. Лідзіруе кластар Токіа-Ёкагама, на які прыпадае больш за 10% усіх патэнтавых заявак за 2018–2022 гады. На другім месцы кластар Шэньчжэнь-Ганконг-Гуанчжоу ў Кітаі, далей — Паўднёвакарэйская сталіца Сеул.
Ключавым амерыканскім навукова-тэхналагічным цэнтрам стаў кластар Сан-Хасэ — Сан-Францыска, дзе базуюцца такія ІТ-кампаніі, як Adobe, eBay, Google і Paypal. Ён на 6 радку.
Па колькасці такіх хабаў сярод краін свету першае месца займае Кітай: 13 у топе-50 і 24 у топе-100. За ім ЗША: 12 у топе-50 і 21 у топе-100, а на 3 месцы Германія — 5 і 9 гарадоў адпаведна. З Японіі ў топе-50 усяго тры лакацыі.
Пры гэтым, згодна з Global Innovation Index, ЗША апярэджваюць усе астатнія краіны па выдатках на даследаванні і распрацоўкі. Услед за імі ідуць Кітай, Японія, Германія і Паўднёвая Карэя.
Читать на dev.by