ABBYY масава звольніла расійцаў з офісаў на Кіпры, у Венгрыі і Сербіі
Кампанія скараціла расійскіх супрацоўнікаў у сваіх офісах на Кіпры, у Венгрыі і Сербіі. Пра гэта ў сацсетках расказалі самі звольненыя супрацоўнікі.
Дагэтуль невядомая дакладная колькасць звольненых працаўнікоў кампаніі. Паводле слоў былых супрацоўнікаў, гаворка ідзе пра больш як сотню чалавек, а пад скарачэнне трапілі толькі ўладальнікі расійскага грамадзянства.
«У часе сустрэчы ўсім забаранілі пісаць у чат і ўсім адключылі відэа і мікрафоны. Сказалі, што ўсе звольненыя, што на пошту ліст прыйдзе. Адразу пасля сустрэчы выключыліся карпаратыўныя доступы паўсюль (а там, як зразумела, і пэйсліпы і наогул усё). Спачатку абвясцілі кіпрскаму офісу, потым сербскаму, потым венгерскаму. Звольнілі ўсіх, хто з пашпартам РФ», — напісала адная з супрацоўніц.
У кастрычніку 2022 года ABBYY абвясціла аб закрыцці расійскага прадстаўніцтва, асноўная частка супрацоўнікаў закрытага офіса пераехала на Кіпр, у Сербію і Венгрыю.
ABBYY заснаваў у 1989 годзе прадпрымальнік Давід Ян. Цяпер штаб-кватэра кампаніі размешчаная ў ЗША. Кампанія займаецца распрацоўкай прадуктаў для працы з дакументамі.
Читать на dev.by