Activision Blizzard хоча стварыць кансольную World Of Warcraft пасля зліцця з Microsoft
Кампанія ўжо не першы год пастаянна абмяркоўвае кансольную версію гульні, купля студыі карпарацыяй Microsoft можа зрабіць гэтую ідэю рэальнай.
У інтэрв’ю журналістам GamesRadar+ прадзюсарка World Of Warcraft Холі Лонгдэйл пацвердзіла, што студыя рэгулярна абмяркоўвае гэтае пытанне. Лонгдэйл лічыць, што Activision Blizzard знаходзіцца ў добрым становішчы, каб выпусціць кансольную версію гульні. Аднак прадзюсарка дала зразумець, што цяпер гэтая задача не ў прыярытэце, так як студыя занятая адразу трыма дапаўненнямі.
«Цяпер мы сфакусаваныя на сазе Worldsoul, і нашыя рукі даволі занятыя. Але я б схлусіла, калі б сказала, што мы не абмяркоўваем кансольнай версіі. Мы цяпер з Microsoft», — заявіла яна. Таксама Blizzard пакуль не абмяркоўвала з Microsoft пытанне дадання World Of Warcraft у Game Pass.
Раней студыя анансавала наступныя тры дапаўненні гульні на BlizzCon 2023. Першае дапаўненне The War Within выйдзе ў 2024 годзе.
Читать на dev.by