Adobe дазволіла прадаваць відарысы, створаныя з дапамогай штучнага інтэлекту

Adobe пачала прымаць малюнкі, згенераваныя нейрасеткамі Dall-E і Stable Diffusion. У заяве кампаніі падкрэсліваецца, што штучны інтэлект дапаўняе мастакоў, а не замяняе іх. У Adobe лічаць, што ў мадэлей, здольных да навучання, велізарны патэнцыял для стварэння якаснага кантэнту.

Adobe Stock — гэта папулярная бібліятэка з больш як 320 мільёнамі аўтарскіх матэрыялаў. Кампанія апублікавала ўмовы, якім мусяць адпавядаць згенераваныя штучным інтэлектам матэрыялы. Напрыклад, Adobe забараняе капіяваць стылі мастакоў без іх дазволу.