Акцыі Meta падскочылі ў 1,5 разу за апошнія пару месяцаў — найлепшая дынаміка ў S&P 500

Рост курса акцый Meta часткова звязаны з планамі скараціць больш за 11 тысяч супрацоўнікаў. Гэта першы такі буйны раўнд звальненняў у амаль 20-гадовай гісторыі кампаніі.

Зрэшты, некаторыя эксперты наладжаныя скептычна, паколькі Цукерберг працягвае марнаваць велізарныя грошы на метасусвет. Сёлета кампанія плануе выдаткаваць на праект пятую частку сваіх грошай.

Акрамя гэтага, падзенне пагоршылі новаўвядзенні ў частцы прыватнасці ў iOS, якія падарвалі ключавы — рэкламны — бізнэс Meta. У мінулым лютым кампанія казала, што толькі ў найбліжэйшым годзе праз гэта страціць $10 млрд выручкі.

Нават нягледзячы на ўздым, каштоўныя паперы ўладальніцы Facebook і Instagram таргуюцца ніжэй за свой сярэдні каэфіцыент цана/прыбытак за апошняе дзесяцігоддзе і з’яўляюцца аднымі з найтаннейшых у тэхналагічным індэксе Nasdaq 100. Акцыі Meta прадаюцца на 64% танней за рэкордныя значэнні 2021 года. Паводле прагнозаў аналітыкаў, на працягу наступных 12 месяцаў рост яе каціровак складзе ўсяго 7,7%.