Alphabet размясціла аблігацыі ў далярах ЗША на $20 млрд — гэта найбуйнейшы выпуск у гісторыі кампаніі. Першапачаткова планавалася прыцягнуць $15 млрд, аднак попыт перавысіў $100 млрд, што дазволіла павялічыць аб’ём угоды, піша Bloomberg.
Alphabet размясціла аблігацыі ў далярах ЗША на $20 млрд — гэта найбуйнейшы выпуск у гісторыі кампаніі. Першапачаткова планавалася прыцягнуць $15 млрд, аднак попыт перавысіў $100 млрд, што дазволіла павялічыць аб’ём угоды, піша Bloomberg.
Размяшчэнне прайшло сямю траншамі. Даходнасць самага доўгатэрміновага выпуску з пагашэннем у 2066 годзе склала 0,95 п. п. да даходнасці казначэйскіх аблігацый ЗША — ніжэй узроўню, які абмяркоўваўся на старце ўгоды.
Кампанія нарошчвае запазычанні на фоне росту інвестыцый у ШІ-праекты. Раней Alphabet паведаміла, што плануе накіраваць да $185 млрд на капітальныя выдаткі ў гэтым годзе — гэта больш, чым сукупныя расходы за папярэднія тры гады. Асноўныя інвестыцыі звязаны з будаўніцтвам дата-цэнтраў.
Alphabet таксама рыхтуе дэбютныя размяшчэнні аблігацый у Швейцарыі і Вялікабрытаніі, уключаючы выпуск са тэрмінам абарачэння 100 гадоў. Гэта першы падобны крок з боку тэхналагічнай кампаніі з часоў буму доткомаў.
Рост выдаткаў у сектары адзначаюць і іншыя буйныя тэхналагічныя кампаніі. Па ацэнцы Morgan Stanley, аб’ём запазычанняў гіперскейлераў у 2026 годзе можа дасягнуць $400 млрд. Банк таксама прагназуе рэкордны выпуск высакаякасных карпаратыўных аблігацый у ЗША — да $2,25 трлн.
У лістападзе Alphabet ужо выходзіла на рынак з новымі аблігацыямі. Тады яна размясціла паперы на $17,5 млрд, попыт склаў каля $90 млрд.
Рэлацыраваліся? Цяпер вы можаце каментаваць без верыфікацыі акаўнта.