Amazon скупае і знішчае рэдкія кнігі для навучання ШІ

Як піша выданне, Amazon масава купляе папяровыя кнігі, каб лічбаваць іх і выкарыстоўваць атрыманыя тэксты для развіцця сваіх прадуктаў, звязаных з ШІ.

Журналісты дамовіліся з прадаўцом рэдкіх кніг і схавалі AirTag у адным з выданняў, якое ўвайшло ў буйны заказ. Трэкер прывёў іх да аб’екта Amazon VGT3 у Лас-Вегасе.

Паводле супрацоўнікаў пляцоўкі, туды паступаюць буйныя партыі кніг. У выданняў зразаюць вокладку, каб хутчэй падзяліць іх на старонкі і адсканаваць. Пасля гэтага аднавіць кнігу ўжо немагчыма. На дзвярах памяшкання, дзе працуе каманда, размешчаны лагатып з тыраназаўрам, які збіраецца з’есці кнігу.

Amazon не стала наўпрост адказваць на пытанне, ці выкарыстоўваюцца гэтыя матэрыялы для навучання ШІ. Кампанія заявіла, што «купляе кнігі праз камерцыйныя каналы, каб дапамагаць распрацоўваць і паляпшаць прадукты і сервісы для кліентаў».

Выданне знайшло паведамленні супрацоўнікаў VGT3 на анлайн-форумах, дзе яны абмяркоўвалі недахоп кніг для сканавання. У нейкі момант запас выданняў цалкам скончыўся, а працаўнікі баяліся, што пляцоўку могуць зачыніць, калі Amazon не знойдзе новыя партыі.

У інтэрнэце скончыліся даныя — распрацоўшчыкі ІІ скупляюць працоўныя чаты і запісы гутарак

Па тэме

У інтэрнэце скончыліся даныя — распрацоўшчыкі ІІ скупляюць працоўныя чаты і запісы гутарак

Перад сканаваннем супрацоўнікі правяраюць штрыхкод або ISBN кнігі. Журналісты лічаць, што гэта пацвярджае здагадку прадаўцоў: ШІ-кампаніі могуць сістэмна шукаць унікальныя выданні, каб не загружаць адны і тыя ж тэксты некалькі разоў.

Асаблівую цікавасць уяўляюць рэдкія і малавядомыя кнігі, змест якіх складана атрымаць з інтэрнэту або іншых лічбавых крыніц. Гэта могуць быць старыя навуковыя працы, малатыражныя выданні або кнігі на мовах, якія сёння выкарыстоўваюцца рэдка.

Пры гэтым гаворка не абавязкова ідзе пра дарагія калекцыйныя экзэмпляры. Некаторыя кнігі маюць невялікую рынкавую вартасць, але могуць захоўваць гістарычную, навуковую або культурную каштоўнасць. Прадавец, які ўдзельнічаў у эксперыменце 404 Media, адзначыў, што распрацоўшчыкаў ШІ найперш цікавіць змест тэксту.

Практыка выклікае спрэчкі сярод прадаўцоў і калекцыянераў. Іх непакоіць, што асобныя рэдкія выданні могуць быць знішчаны, а іх лічбавыя копіі пры гэтым застануцца закрытымі ўнутры навучальных наборaў ШІ-кампаній і не будуць даступны даследчыкам або бібліятэкам.

«Гэта крыху палохае»: OpenAI ліхарадзіць перад IPO — топы сыходзяць адзін за адным

Па тэме

«Гэта крыху палохае»: OpenAI ліхарадзіць перад IPO — топы сыходзяць адзін за адным

CEO Anthropic прыдумаў, як прымусіць людзей не баяцца ІІ 

Па тэме

CEO Anthropic прыдумаў, як прымусіць людзей не баяцца ІІ

Anthropic стварыла мадэль магутнейшую за Mythos, але баіцца яе выпускаць

Па тэме

Anthropic стварыла мадэль магутнейшую за Mythos, але баіцца яе выпускаць