Кампаніі з ЗША масава звальняюць і наймаюць у Лацінскай Амерыцы для эканоміі. Мясцовым стартапам сумна
Выданне Rest of World пагутарыла з 18 прадпрымальнікамі, рэкруцёрамі і распрацоўшчыкамі з Мексікі, Перу і Уругвая — паводле іх аповеду, масавыя звальненні ў амерыканскіх тэхнагігантах павінныя былі б, але ані не палепшылі сітуацыі з найманнем талентаў для мясцовых ІТ-кампаній і стартапаў, хутчэй нават наадварот.
Вольныя старэйшыя распрацоўшчыкі з добрымі навыкамі і досведам у Лацінскай Амерыцы цяпер вялікая рэдкасць. Асабліва складана невялікім і нішавых стартапам, якія не могуць прапанаваць заробкі ўзроўню буйных кампаній з ЗША і вымушаныя «адбіваць» таленты ў іншых стартапаў.
Выданне Rest of World пагутарыла з 18 прадпрымальнікамі, рэкруцёрамі і распрацоўшчыкамі з Мексікі, Перу і Уругвая — паводле іх аповеду, масавыя звальненні ў амерыканскіх тэхнагігантах павінныя былі б, але ані не палепшылі сітуацыі з найманнем талентаў для мясцовых ІТ-кампаній і стартапаў, хутчэй нават наадварот.
Вольныя старэйшыя распрацоўшчыкі з добрымі навыкамі і досведам у Лацінскай Амерыцы цяпер вялікая рэдкасць. Асабліва складана невялікім і нішавых стартапам, якія не могуць прапанаваць заробкі ўзроўню буйных кампаній з ЗША і вымушаныя «адбіваць» таленты ў іншых стартапаў.
Складанасці ўзніклі яшчэ на пачатку пандэміі, калі многія амерыканскія фірмы, карыстаючыся геаграфічнай блізкасцю рэгіёна і размяшчэннем у адным часавым поясе, сталі наймаць тут. Тады тут рэзка вырасла колькасць аўтсорсінгавых кампаній, якія наймаюць распрацоўшчыкаў на аддаленую працу для амерыканскіх кліентаў.
Амерыканскія кампаніі спрабуюць эканоміць, але тэхнічныя патрэбы ў іх застаюцца ранейшымі, і яны пачынаюць шукаць таннейшую працоўную сілу на замену масава звольненым напярэдадні супрацоўнікам за мяжой. Але нават тыя заробкі, якія яны прапаноўваюць, мясцовыя гульцы не могуць дазволіць сабе плаціць. Лацінаамерыканскім стартапам застаецца або адбіраць сеньёраў у мясцовых канкурэнтаў, або самім навучаць джуноў. І, нават нягледзячы на тое, што гэта патрабуе часу і грошай, выдаткі акупляюцца, кажа фаўндар аднаго ўругвайскага стартапа, які працуе на амерыканскіх кліентаў.
«Кампаніі ў ЗША ведаюць, колькі зарабляюць лацінаамерыканскія распрацоўшчыкі. Яны б не сталі наймаць за мяжой, калі б гэта не было нашмат танней», — адзначае перуанскі фаўндар.
Напрыклад, адная амерыканская кампанія летась звольніла 200 інжынераў у ЗША, каб праз паўгода ўзяць замест іх каманду на аддаленай працы ў Калумбіі.
4 з 5 айцішнікаў знаходзяць працу на працягу трох месяцаў пасля скарачэння
У 2022-м ІТ-галіну ўзрушыла чарада скарачэнняў. Толькі ў ЗША ў тым годзе было звольнена больш за 100 тысяч айцішнікаў, а на глабальным узроўні лічба перавышае 150 тысяч.
У Лацінскай Амерыцы таксама адбываюцца звальненні. Напрыклад, у адзін з тыдняў снежня мясцовыя стартапы звольнілі каля 1000 чалавек. На тле знясілення венчурнага капіталу ў 2022 годзе адныя з найбуйнейшых мясцовых кампаній — мексіканская крыптабіржа Bitso і бразільская гульнявая студыя Wildlife — скарацілі чвэрць і пятую частку штату адпаведна.
Ужо ў 2022-м 69% лацінаамерыканскіх працадаўцаў адчувалі цяжкасці з найманнем кадраў. З 10 мясцовых стартапаў, з якім гутарыла выданне, толькі 2 — буйныя кампаніі з Мексікі з салідным фінансаваннем — сказалі, што змаглі скарыстацца раптоўным прытокам талентаў на рынак. Паводле слоў аднаго з іх, «прынамсі цяпер [праграмісты] сталі падымаць слухаўку»: паўгода таму знайсці старэйшага распрацоўшчыка было амаль нерэальна.
Некаторыя спрабуюць прыцягваць супрацоўнікаў іншымі спосабамі — напрыклад, апцыёнамі, што нетыпова для Лацінскай Амерыкі, а таксама моцнай карпаратыўнай культурай і магчымасцю расці разам з кампаніяй. Але гэта не кампенсуе розніцы ў заробках з ЗША. У Перу, паводле слоў адной з мясцовых заснавальніц, заробкі ў ІТ асабліва не растуць, тым больш у параўнанні з іншымі краінамі: калі ў Перу звычайны UX-дызайнер у сярэднім атрымлівае $700 на месяц, то ў Мексіцы і Чылі — $1000.
Новы сайт паказвае дыяпазоны заробкаў у топавых ІТ-гігантах і стартапах
На ўзроўні старэйшых распрацоўшчыкаў разрыў яшчэ глыбейшы: калі ў ЗША такія спецыялісты ў сярэднім атрымліваюць больш за $149 тысяч на год, то іх калегі ў Мексіцы — $68 тысяч, а ў Аргенціне — менш за $38 тысяч.
Перамену на рынку заўважылі і распрацоўшчыкі: адзін мексіканскі суразмоўца партала з 9-гадовым стажам кажа, што прыкладна ад 2020 года з ім перасталі звязвацца мясцовыя фірмы і наадварот сталі стукацца замежныя.
Рэкрутынгавыя платформы адзначаюць, што калі раней кампаніі з ЗША наймалі лацінаамерыканскіх падрадчыкаў нароўні са штатнымі амерыканскімі супрацоўнікамі, то цяпер напрамую наймаюць цэлыя каманды ў Лацінскай Амерыцы на доўгатэрміновыя кантракты. Так яны эканомяць не толькі на заробках уласна распрацоўшчыкам, але і на паслугах аўтсорсінгавых кампаній. І цяпер іх больш цікавяць юрыдычныя аспекты, такія як падаткаабкладанне. «Да пандэміі большасць нашых кліентаў складалі [аўтсорсінгавыя] кампаніі накшталт Softtek, Accenture, Globant ды іншыя тэхналагічныя стартапы, — адзначае фаўндар мексіканскай рэкрутынгавай пляцоўкі. — Але мы назіраем 30%-нае зніжэнне актыўнасці гэтых кампаній».
Рэлацыраваліся? Цяпер вы можаце каментаваць без верыфікацыі акаўнта.
В Восточной и Центральной Европе тоже самое.
Переезжайте в Латинскую Америку, выбивайте себе карту Ацтека, в чем проблема-то?