Амерыканскі інвестар значна скараціў долю ў EPAM

Фонд з’явіўся ў ліку акцыянераў софтвернага распрацоўшчыка летась. Паводле інфармацыі на сайце Камісіі па каштоўных паперах і біржах (SEC) ЗША, станам на сярэдзіну красавіка 2023 года AllianceBernstein валодаў 6,1% акцый кампаніі. Іх рынкавы кошт складаў каля $800 млн.

Паводле аднаго з дакументаў, пададзеных AllianceBernstein у SEC, пры канцы 2023 года ў распараджэнні фонду знаходзілася ўжо толькі 1,6% акцый EPAM. Таксама яго больш няма ў спісе інвестараў, чый пакет перавышае 5%, у апошняй фінансавай справаздачы распрацоўшчыка. Сузаснавальніку кампаніі Аркадзю Добкіну належыць 3,5% яе акцый.

Справаздача EPAM за першы фіскальны квартал 2024 года выйшла месяц таму. Пасля рэлізу каціроўкі кампаніі рэзка абрынуліся з $249 да $182 за акцыю. Інвестараў напалохалі змрочныя прагнозы па выручцы і складанасці з попытам.

Цяпер акцыі EPAM таргуюцца па $189 за штуку.