Anthropic нядаўна выпусціла Claude Code Review — інструмент, які шукае і выпраўляе памылкі ў кодзе. У кампаніі адразу папярэдзілі, што з-за больш глыбокага аналізу інструмент даражэйшы за лёгкія рашэнні, напрыклад інтэграцыю Claude Code GitHub Action.
Anthropic нядаўна выпусціла Claude Code Review — інструмент, які шукае і выпраўляе памылкі ў кодзе. У кампаніі адразу папярэдзілі, што з-за больш глыбокага аналізу інструмент даражэйшы за лёгкія рашэнні, напрыклад інтэграцыю Claude Code GitHub Action.
Кошт — $15-25 за адно рэв’ю ў залежнасці ад памеру і складанасці пул-рэквестаў. Аплата ідзе па колькасці токенаў, якія мадэль выдаткоўвае на аналіз. У кампаніі сказалі, што гэта чакана — інструмент выкарыстоўвае значна больш вылічэнняў, і таму здольны знаходзіць больш складаныя багі.
Распрацоўшчыкі сустрэлі навінку без асаблівага захаплення. Кіраўнік ШІ-напрамку фінтэх-стартапа Hedgineer Даніэль Авіла напісаў у X, што не ўбачыў ніякага паляпшэння. «Акрамя таго, што яго можна наладзіць проста ў Claude Desktop і не патрэбен трыгер GitHub Action, я наогул не бачу дадатковай функцыянальнасці», — напісаў ён.
Найбольш абмяркоўваюць кошт. Заснавальнік софтвернага стартапа Жан Мейер здзівіўся: «Як рэв’ю кода можа каштаваць $15-25 за пул-рэквест? Адно рэв’ю — гэта амаль кошт безлімітнай падпіскі на большасць сэрвісаў для праверкі кода».
Некаторыя распрацоўшчыкі пачалі абмяркоўваць уплыў на ролі ў камандах. Адзін з карыстальнікаў X напісаў, што Claude фактычна «паставіў цэннік на старэйшага распрацоўшчыка»: «$15-25 за рэв’ю кода. ШІ-агенты пачынаюць працаваць адразу, як толькі адкрываецца PR. Людзей, якія абараняюць свае зарплаты ў $200 тысяч, кантралюючы код-рэв’ю, можа чакаць вельмі непрыемны квартал».
Іншыя задаюцца лагічным пытаннем: калі Claude ўмее правяраць код, чаму ён не можа адразу пісаць яго без памылак. «Таму што тады не атрымаецца браць $15-25 за рэв’ю паверх падпіскі на Claude Code», — іранічна напісаў распрацоўшчык Каран Кендрэ.
Дыскусія аб кошце датычыцца не толькі Anthropic. Інвестар Чамат Паліхаціція расказаў у падкасце All-In, што расходы яго стартапа 8090 на ШІ-інструменты рэзка растуць. Па яго словах, выдаткі патроіліся з лістапада. Кампанія плаціць за інфраструктуру AWS, за інструменты накшталт Cursor і за мадэлі Anthropic — і ў выніку расходы на ШІ могуць дасягнуць $10 млн у год. «Праблема ў тым, што мае расходы растуць у тры разы кожныя тры месяцы, а выручка — не», — сказаў Паліхаціція.
Релоцировались? Теперь вы можете комментировать без верификации аккаунта.
"«Проблема в том, что мои расходы растут в три раза каждые три месяца, а выручка — нет», — сказал Палихапития."
А расходы на разрабов росли на 10% в год, и вы ныли. Вот вам ИИ на замену, жрите.