Bloomberg: Apple абмяжуе працу AirDrop у рэжыме «для ўсіх»

Паводле звестак Bloomberg, у абнаўленні iOS 16.1.1 Apple абмежавала працу функцыі для iPhone у Кітаі. Цяпер адпраўляць файлы па AirDrop у рэжыме «для ўсіх» жыхары Кітая змогуць толькі на працягу 10 хвілін. Пасля гэтага функцыя аўтаматычна пераключыцца ў рэжым «толькі кантакты».

Абнаўленне мае перашкодзіць масаваму распаўсюджванню кантэнту сярод незнаёмых людзей. У 2023 годзе змены запусцяць па ўсім свеце. Прычынай абмежаванняў сталі нядаўнія падзеі ў Кітаі. Пратэстоўцы сталі актыўней выкарыстоўваць AirDrop для распаўсюджвання плакатаў з крытыкай улады. Гэта адбылося напярэдадні чарговага з’езда Камуністычнай партыі.