Apple ID больш няма — кампанія змяніла назву сэрвісу

«У абнаўленнях iOS 18, iPadOS 18, macOS Sequoia і watchOS 11 сэрвіс уліковых запісаў Apple ID будзе перайменаваны ў Apple Account для забеспячэння аднастайнага ўваходу ў сістэму ва ўсіх службах і прыладах Apple. Ён заснаваны на існых уліковых даных карыстальнікаў», — гаворыцца на сайце Apple.

У бэта-версіях новых АС усё яшчэ можна сустрэць назву Apple ID, таксама на вэб-старонцы ўваходу ва ўліковы запіс. Назву Apple ID кампанія выкарыстала больш за два дзесяцігоддзі. Пераход на Apple Account, хутчэй за ўсё, завершыцца да моманту выхаду iOS 18 восенню гэтага года.