Apple намякнула, пра што будзе канферэнцыя WWDC 2024

У анонсе канферэнцыі кіраўнік Apple па глабальным маркетынгу Грэг Джозвяк намякнуў на тэматыку мерапрыемства: «It’s going to be Absolutely Incredible!». Загалоўныя літары ў словах Absolutely Incredible кажуць пра тое, што кампанія пакажа свае першыя прадукты з выкарыстаннем тэхналогій штучнага інтэлекту.

Раней СМІ неаднаразова пісалі пра планы Apple распрацаваць уласную мадэль штучнага інтэлекту. Таксама адзін з магчымых варыянтаў — супрацоўніцтва з буйнымі распрацоўшчыкамі, такімі як OpenAI, Google і Anthropic. Bloomberg паведамляе, што кампанія можа адкрыць сваю экасістэму іншым распрацоўшчыкам АІ для цяснейшай інтэграцыі ва ўласныя прылады.

Традыцыйна на канферэнцыі раскажуць пра змены аперацыйных сістэм, сярод якіх iOS, iPadOS, macOS, watсhOS, tvOS і visionOS. У мінулым годзе на WWDC паказалі гарнітуру Vision Pro, віджаты працоўнага стала macOS, функцыю StandBy у iOS 17 і іншыя функцыі.