Apple знайшла і звольніла супрацоўніцу, якая злівала даныя свайму брату

Паводле даных Techtimes, карыстальнік Twitter пад нікам @analyst941 нядаўна расказаў пра некаторыя ўцечкі, звязаныя з аперацыйнай сістэмай iOS 17 ды іншай магчымай інфармацыяй пра прадукты Apple. Выявілася, што ўцечка была арганізаваная самой Apple. Кампанія назвала інсайдарам розныя даты выпуску праграм Final Cut Pro і Logic Pro для iPad.

Такім чынам служба бяспекі кампаніі высветліла, што акаўнт @analyst941 быў зарэгістраваны на мужчыну, сястра якога працавала ў Apple. Супрацоўніцу звольнілі. Цяпер карыстальнік асцерагаецца, што Apple падасць пазоў супраць яго і сястры, і назаўжды дэактываваў свой акаўнт у Twitter.