Apple палічыла за лепшае трэніраваць AI на чыпах Google, а не Nvidia

Графічныя працэсары Nvidia дамінуюць на рынку АІ-чыпаў нягледзячы на сваю дарагоўлю. Попыт на іх апошнія пару гадоў настолькі высокі, што шматлікім кампаніям цяжка займець іх у патрэбнай колькасці. Між тым сярод кліентаў Nvidia ёсць як Google, так і іншыя буйныя гульцы галіны, уключаючы OpenAI, Microsoft, Anthropic, Oracle, Meta і Tesla, якія выкарыстоўваюць яе GPU для трэніроўкі сваіх мадэляў, а таксама ў сваіх АІ-сістэмах і прадуктах.

Мінулага тыдня Марк Цукерберг і Сундар Пічаі зрабілі заявы, у якіх дапусцілі, што, магчыма, іх кампаніі і іншыя таксама інвестуюць у АІ-інфраструктуру занадта шмат, але застаюцца перакананыя, што шкадаваць грошы ў гэтай сферы рызыкоўней. Гендырэктар Meta лічыць, што АІ будзе галоўнай тэхналогіяй у найбліжэйшыя 10-15 гадоў.

Apple, у сваім дакладзе не назваў Google або Nvidia непасрэдна, але адзначыў, што яе мадэль кампаніі Apple Foundation Model (AFM) была навучаная на «воблачных кластарах TPU», то-бок яна арандавала воблачныя вылічальныя магутнасці ў Google. Паводле слоў Apple, гэта забяспечвае «эфектыўнасць і маштабаванасць» працэсу.