Николай Чикишев world 10 чэрвеня 2026, 13:07

Apple дазволіла аб'ядноўваць падпіскі на розныя прыкладанні ў App Store

Кампанія ўпершыню дазволіць распрацоўшчыкам аб’ядноўваць падпіскі на прыкладанні розных кампаній у агульныя пакеты. Новую функцыю анансавалі на WWDC 2026.

Пакінуць каментарый

Apple дазволіла аб'ядноўваць падпіскі на розныя прыкладанні ў App Store

Кампанія ўпершыню дазволіць распрацоўшчыкам аб’ядноўваць падпіскі на прыкладанні розных кампаній у агульныя пакеты. Новую функцыю анансавалі на WWDC 2026.

Раней App Bundles у App Store дазвалялі аднаму распрацоўшчыку прадаваць некалькі сваіх прыкладанняў разам. Цяпер Apple пашырыць гэтую магчымасць: розныя распрацоўшчыкі змогуць аб’ядноўвацца і прапаноўваць карыстальнікам агульны пакет падпісак танней, чым калі б яны набывалі кожную падпіску асобна.

Па логіцы такая мадэль нагадвае стрымінгавыя бандлы, дзе некалькі сервісаў прадаюцца адным пакетам. Для распрацоўшчыкаў гэта можа стаць спосабам павысіць каштоўнасць падпіскі і ўтрымліваць карыстальнікаў.

Такія пакеты могуць быць карысныя прыкладанням са скрыжаванай аўдыторыяй, але без непасрэднай канкурэнцыі. Напрыклад, у адзін набор можна аб’яднаць камеру, відэарэдактар, фотарэдактар і інструмент для публікацыі кантэнту ў сацсетках. У другім — каляндар, спіс задачаў і прыкладанне для нататак.

Apple таксама прадставіла фармат Suites — наборы падпісак, якія нельга будзе купіць паасобку і і якія будуць даступныя толькі як адзіны пакет. Чакаецца, што функцыя з’явіцца бліжэй да запуску iOS 27 ды іншых абнаўленняў платформаў Apple увосень.

Ёсць іншыя змены для App Store. Кампанія ўзмацніла правілы для прыкладанняў, якія даўно не абнаўляюцца або фактычна не карыстаюцца попытам, адмяніла абавязковую падтрымку Intel-чыпаў для прыкладанняў у Mac App Store і патрабуе ад распрацоўшчыкаў паказваць, ці ёсць у іх прадуктах сацыяльныя функцыі. Гэтыя дадзеныя будуць улічвацца пры ўзроставай маркіроўцы і ў наладах Screen Time.