Apple запусціла адзіны сайт з дакументацыяй і характарыстыкамі ўсіх сваіх гаджатаў

На сайце сабраныя падручнікі карыстальніка, тэхнічныя характарыстыкі і іншая дакументацыя па ўсіх прадуктах кампаніі. У сэрвісе ёсць інфармацыя пра iPhone, iPad, Mac, Apple Watch, Earpods, Apple TV, iPod, фірмовыя маніторы і аксэсуары, а таксама праграмнае забеспячэнне: iOS, macOS і г. д.

Карыстальнік можа спампаваць некаторыя фірмовыя праграмы, напрыклад, iTunes для Windows. Некаторыя раздзелы, напрыклад, Vision Pro і HomePad, могуць быць недаступныя ў некаторых краінах, дзе гэтыя прадукты не прадстаўленыя.