Николай Чикишев 24 студзеня 2024, 15:11

Apple зноў перанесла рэліз электрамабіля на 2028 год. Прыбытак ад праекта пад пытаннем

Кампанія змяніла планы па выпуску электрамабіля і перанесла тэрміны рэалізацыі праекта на 2028 год. Рада дырэктараў незадаволеная марудлівасцю распрацовак.

Пакінуць каментарый

Apple зноў перанесла рэліз электрамабіля на 2028 год. Прыбытак ад праекта пад пытаннем

Кампанія змяніла планы па выпуску электрамабіля і перанесла тэрміны рэалізацыі праекта на 2028 год. Рада дырэктараў незадаволеная марудлівасцю распрацовак.

Паводле даных Bloomberg, Apple распрацоўвае Project Titan ад 2014 года. Выпуск электрамабіля неаднаразова адкладалі, таксама ў праекце мяняліся кіраўнікі і праводзіліся звальненні ў камандзе распрацоўшчыкаў. Ад 2021 года праект узначальвае віцэ-прэзідэнт Apple Кевін Лінч пасля сыходу Дага Філда, які расчараваўся ў спробах давесці прататып электрамабіля да рэалізацыі.

Стратэгія праекта пастаянна змянялася: спачатку Apple хацела выпусціць цалкам беспілотны аўтамабіль пятага ўзроўню, што дазволіла б карыстальнікам наогул не ўдзельнічаць у кіраванні машынай. Аднак затым кампанія вырашыла выпусціць аўтамабіль з пашыранымі функцыямі аўтаномнага кіравання з аўтапілотам трэцяга ўзроўню.

У выніку высветлілася, што вытворца не зможа стварыць падобнага аўтамабіля, таму цяперашнія распрацоўкі адпавядаюць бягучым магчымасцям электрамабіляў Tesla. Такім чынам, аўтамабіль Apple атрымае сістэму дапамогі кіроўцу ўсяго толькі ўзроўню 2+. Выданне адзначае, што рада дырэктараў патрабуе ад топ-менеджараў паскорыць распрацоўку электрамабіля.

Аднак некаторыя кіраўнікі Apple дагэтуль сумняваюцца, што аўтамабіль калісьці зможа забяспечыць такі ж прыбытак, які прыносяць продажы iPhone. Эксперты мяркуюць, што навінка будзе каштаваць мінімум $100 тысяч, што зробіць немагчымым канкурэнцыю з Tesla, электрамабілі якой каштуюць нашмат менш пры падобных параметрах.