Аддзел навін 30 лістапада 2023, 17:18

Супрацоўнікі гігафабрыкі Tesla пастаянна лаюцца і часам б'юцца

Работнікі гігафабрыкі Tesla ў тэхаскім Осціне не вытрымліваюць напружання пад жорсткімі дэдлайнамі і зрываюцца адно на аднаго. Пра гэта яны распавялі журналістам Тhe Information.

Пакінуць каментарый

Супрацоўнікі гігафабрыкі Tesla пастаянна лаюцца і часам б'юцца

Работнікі гігафабрыкі Tesla ў тэхаскім Осціне не вытрымліваюць напружання пад жорсткімі дэдлайнамі і зрываюцца адно на аднаго. Пра гэта яны распавялі журналістам Тhe Information.

Слоўныя сваркі тут здараюцца амаль штодня. Часам справа даходзіла да фізічных разборак. Некалькі разоў на месца выклікалі паліцыю. Бывала, што ў бойцы фігуравала зброя, а некаторыя выпадкі былі кваліфікаваныя як «тэрарыстычныя пагрозы».

Аднойчы ў ліпені Tesla разаслала супрацоўнікам завода імэйл, у якім гаварылася пра чалавека, які ўчыніў напады, але паліцыя, якая прыбыла, не выявіла ні нападніка, ні ахвяр атакі.

Таксама The Information прааналізаваў узровень траўматызму на заводзе. Выявілася, што летась прыкладна адзін да 21 супрацоўніка атрымаў тут тыя ці іншыя калецтвы. Для параўнання, медыянны паказчык на аўтамабілебудаўнічых заводах супастаўных маштабаў складае прыкладна 1 да 30. На гігафабрыцы Tesla ў Осціне працуе каля 20 тысяч чалавек.

Нядаўна расследаванне на тэму небяспечных умоў працы на SpaceX, касмічнай кампаніі Ілана Маска, выпусціў Reuters. Некаторым супрацоўнікам даводзілася спаць на працы, каб укладвацца ў тэрміны.