Каціроўкі Nintendo і Sony Group абрынуліся больш чым на 10% на Такійскай фондавай біржы ў панядзелак, 7 красавіка, піша Bloomberg. Распродаж акцый азіяцкіх кампаній справакаваны ўвядзеннем імпартных мыт у ЗША і чаканай у сувязі з гэтым рэцэсіяй.
Каціроўкі Nintendo і Sony Group абрынуліся больш чым на 10% на Такійскай фондавай біржы ў панядзелак, 7 красавіка, піша Bloomberg. Распродаж акцый азіяцкіх кампаній справакаваны ўвядзеннем імпартных мыт у ЗША і чаканай у сувязі з гэтым рэцэсіяй.
У Nintendo больш за 40% продажаў у калядным квартале прыпала на Паўночную Амерыку. Кампанія адклала магчымасць пакінуць перадзамову у ЗША, пакуль ацэньвае наступствы тарыфаў Дональда Трампа. Зборка яе кансоляў Switch у асноўным сканцэнтраваная ў Кітаі і В’етнаме, тавары з якіх будуць абкладацца мытам прыкладна ў 50%. Для Японіі тарыф складзе 34%.
Rakuten, якой належыць Viber, і японскі холдынг SoftBank патаннелі больш чым на 12%, вэндары паўправадніковых кампаній Advantest і Disco зафіксавалі яшчэ больш моцнае падзенне.
Індэкс Такійскай біржы Nikkei 225 за першыя паўгадзіны таргоў апусціўся прыкладна на 9%, але пасля трохі адыграў падзенне. Індэкс карэйскага фондавага рынку Kospi абрынуўся на 5% — з-за хуткага падзення таргі ненадоўга прыпынялі. Індэкс Ганконгскай фондавай біржы Hang Seng страціў амаль 12%.
Падзенне нямецкага індэкса DAX на пачатку таргоў дасягала 10%, але пазней яго ўдалося трохі адыграць. Брытанскі FTSE 100 знізіўся на 6%, французскі Cac 40 — на 7%. Індэкс найбуйнейшых еўрапейскіх кампаній Stoxx Europe 600 упаў на 5%.
Курс біткойна, паводле звестак Bitcoin.com News, у першыя гадзіны панядзелка на шэрагу крыптабіржаў апусціўся ніжэй за $75 тысяч. Напрыклад, на Crypto.com ён дасягнуў $74 666.
Рэлацыраваліся? Цяпер вы можаце каментаваць без верыфікацыі акаўнта.
можно покупать у кого деньги есть
Найти неплохой момент и докупать, да. Давно такой резкой и сильной коррекции не было, пора уже.
отдача долгов летом, так, что брать надо когда гос долг уменьшится немного (те кто не понял не пишите ерунду в коментах плиз - просто игнорьте, спасибо)