Праграмістам — да 12000 рублёў. Прабілі па базе, каго шукаюць дзяржструктуры і прыватнікі

Вакансіі

За апошні месяц кампаніі ў РБ размясцілі больш за 800 прапаноў аб працы для айцішнікаў (некаторыя вакансіі былі апублікаваны раней і абноўлены на працягу апошніх дзён/тыдняў).

Па-ранейшаму ў топе па колькасці запытаў — інжынеры-праграмісты. За апошні месяц для такіх спецыялістаў у агульнарэспубліканскай базе з’явілася каля 275 прапаноў аб працы альбо 34% ад усёй колькасці. Таксама ў топ-3 па колькасці запытаў — адміністратар баз дадзеных, сетак, сервера/сістэмны адміністратар і спецыяліст па суправаджэнні/тэсціраванні праграмнага забеспячэння.

Акрамя таго, кампаніі шукаюць бізнес-аналітыкаў, спецыялістаў па абароне інфармацыі, па камп’ютарнай графіцы, інжынераў па аўтаматызаваных сістэмах кіравання вытворчасцю.

Заробкі 

На самы высокі заробак могуць прэтэндаваць інжынеры-праграмісты. У прыватнасці, рэзідэнт ПВТ «Маркет Дата» (распрацоўшчык уласных праектаў у галіне збору і аналізу дадзеных) гатовы плаціць такім спецыялістам да 12000 рублёў. Гэта максімум сярод усіх айцішных вакансій. 

«Фінансава-інвестыцыйная кампанія «ІНХО» прапануе такім спецыялістам да 10000 рублёў. Яшчэ адзін рэзідэнт ПВТ «Лоджык Вэй Салюшэнз» (спецыялізуецца на праектаванні, распрацоўцы, пастаўцы інфармацыйных сістэм і індывідуальнага ПЗ) гатовы прапанаваць 9000 рублёў.

На другім месцы ў заробкавым рэйтынгу — спецыяліст па тэставанні праграмнага забеспячэння. «Фінансава-інвестыцыйная кампанія «ІНХО» гатова плаціць новым супрацоўнікам да 8000 рублёў. Замыкае топ-3 бізнес-аналітык з заробкам 7900 рублёў. Столькі, мяркуючы па размешчанай вакансіі, гатова плаціць «Выдавецтва «Белбланкавыд».

Вось так выглядае агульны заробкавы рэйтынг (зыходзячы з максімальных прапаноў)

• Інжынер-праграміст — 12000 рублёў:
• Спецыяліст па тэсціраванні праграмнага забеспячэння — 8000 рублёў:
• Бізнес-аналітык — 7900 рублёў:
• Інжынер-сістэматэхнік — 6000 рублёў:
• Праграміст, сістэмны праграміст — 5500 рублёў:
• Сістэмны аналітык — 5500 рублёў:
• Інжынер па аўтаматызаваных сістэмах кіравання вытворчасцю — 5000 рублёў:
• Спецыяліст па абароне інфармацыі — 4800 рублёў:
• Спецыяліст па камп’ютарнай графіцы — 4600 рублёў:
• Адміністратар баз дадзеных, сетак, сервера/сістэмны адміністратар — 4 155 рублёў:
• Тэхнічны пісьменнік — 4000:
• Інжынер/спецыяліст па абароне інфармацыі — 3600 рублёў.

А вось такія заробкі прапануюць айцішнікам вядомыя прыватныя і дзяржаўныя кампаніі і арганізацыі.

• «ОМА» — інжынер-праграміст: 5500-6000 рублёў;
• «Дабраном» — сістэмны аналітык: 5000-5500 рублёў:
• БНБ-Банк — спецыяліст па тэсціраванні праграмнага забеспячэння: 500-5750 рублёў:
• SpurIT — інжынер-праграміст: 4800 рублёў;
• «Сбер Банк» — інжынер-праграміст: 4100-5730 рублёў;
• «Белнафта» — інжынер-праграміст: 4000-5000 рублёў;
• Мазырскі НПЗ — інжынер-праграміст: 3640 рублёў;
• «Белаграпрамбанк» — інжынер-праграміст: 3200-5280 рублёў;
• Нацбанк Беларусі — спецыяліст па суправаджэнні праграмнага забеспячэння (вядучы): 3100-3200 рублёў:
• МТбанк — сістэмны адміністратар: 3000-4000 рублёў:
• «Белдзяржстрах» — інжынер па абароне інфармацыі: 3000-3600 рублёў.