Польскі міністр заклікаў байкатаваць Tesla праз словы Маска пра Германію

«Дзеці не маюць несці віну за грахі сваіх бацькоў, і ўжо тым больш прадзедаў», — упэўнены Маск, які раптам з’явіўся праз відэасувязь на перадвыбарным з’ездзе партыі «Альтэрнатыва для Германіі» ў гэтую суботу. Такі погляд на трагічныя падзеі распаўсюджаны сярод правых груп у краіне.

Свае каментары Маск зрабіў проста напярэдадні 80-й гадавіны вызвалення вязняў Асвенцыма, якая адзначалася ўчора. Пасля нападу Германіі на Польшчу ў 1939 годзе тут загінула каля 6 млн чалавек.

«Магчыма, спадар Маск з яго мільярдамі не адчувае пагрозы. Але любы нармальны чалавек, які жыве ў цэнтры Еўропы і памятае, што адбылося 80 гадоў таму, не можа глядзець на гэта абыякава», — сказаў Нітрас у панядзелак на радыё Tok FM.

«Усё, што я магу сказаць — гэта што, напэўна, ніводны нармальны паляк больш не мае купляць Tesla», — дадаў ён.

Раней канцлер Германіі Олаф Шольц назваў Маска «пагрозай для дэмакратыі ў Еўропе» і раскрытыкаваў за падтрымку ультраправых.

Заклік прагучаў напярэдадні запуску ў Польшчы ў лютым новай дзяржпраграмы па стымуляванні пераходу насельніцтва на электрамабілі, выгаднай для Tesla. Яна прадугледжвае льготы амаль да $10 тысяч на куплю прыватнага электракара. Летась Tesla была самым папулярным электрамабільным брэндам у Польшчы — яна прадала тут больш за 4,4 тысячы адзінак.