Беларусь плануе падпісаць дамовы аб выдачы асоб, якія вышукваюцца для прыцягнення да крымінальнай адказнасці або для выканання прысуду суда, з дзевяццю новымі краінамі. Пра гэта паведаміў міністр юстыцыі Яўген Каваленка на сённяшнім пасяджэнні Палаты прадстаўнікоў.
Беларусь плануе падпісаць дамовы аб выдачы асоб, якія вышукваюцца для прыцягнення да крымінальнай адказнасці або для выканання прысуду суда, з дзевяццю новымі краінамі. Пра гэта паведаміў міністр юстыцыі Яўген Каваленка на сённяшнім пасяджэнні Палаты прадстаўнікоў.
«Што тычыцца дамоваў аб выдачы, магу адзначыць, што цяпер вядзецца работа з Венесуэлай, Зімбабвэ, Нігерыяй, Бразіліяй, Камбоджай і Нікарагуа. Гэта краіны, якія знаходзяцца ў фокусе нашага гандлёва-эканамічнага супрацоўніцтва, узаемадзеяння на палітычным і дыпламатычным узроўнях», — адзначыў чыноўнік.
Па дамовах яшчэ з трыма краінамі Беларусь ужо завяршыла ўсе ўнутрыдзяржаўныя працэдуры.
«Таксама ёсць тры дамовы, па якіх беларуская бокам праведзены ўсе ўнутрыдзяржаўныя працэдуры, неабходныя для іх падпісання. Гэта Паўднёва-Афрыканская Рэспубліка, Карэя і Шры-Ланка», — паведаміў міністр, падкрэсліўшы, што Беларусь рухаецца з апярэджаннем і цяпер чакае неабходных дзеянняў ад сваіх замежных партнёраў. Пра якую менавіта Карэю ідзе гаворка, не ўдакладняецца.
Акрамя гэтага, сёння Палата прадстаўнікоў ратыфікавала дамову аб выдачы з Пакістанам. Выдача распаўсюджваецца на злачынствы, за якія прадугледжана пакаранне ў выглядзе пазбаўлення волі на тэрмін не менш за 1 год або больш строгае. Таксама вызначаны падставы для адмовы ў выдачы, патрабаванні да запыту аб экстрадыцыі і неабходныя дакументы, а таксама іншыя дэталі.
Рэлацыраваліся? Цяпер вы можаце каментаваць без верыфікацыі акаўнта.
Какие приятные люди