Беларусь працягвае апускацца на дно рэйтынгу краін для стартапаў

Для параўнання, Украіна знаходзіцца ўдвая вышэй — на 42-м месцы. Як і Літва (19), Польшча (33), Латвія (49) і нават Расія (34).

Першыя дзесяць пазіцый рэйтынгу прынцыпова не змяніліся. У лідарах, як і раней, ЗША, Вялікабрытанія і Ізраіль. Сінгапур цяпер займае 4-ю пазіцыю замест Канады, а Швейцарыя — 9-ю замест Нідэрландаў. Топ-10 гарадоў таксама застаўся амаль нязменным, за выключэннем некалькіх перастановак. Лепш за ўсё стартапы пачуваюцца ўжо колькі гадоў запар у Сан-Францыска, Нью-Ёрку і Лондане.

Беларусь захавала свае пазіцыі ў межах Еўропы і Усходняй Еўропы — 42-е і 21-е месцы адпаведна. Але агульны рэйтынг краіны, які і вызначае яе пазіцыю ў спісе, за год знізіўся на 10,7%.

 

 

 

У рэйтынгу гарадоў Беларусь, як і раней, прадстаўлена толькі Мінскам, які абваліўся адразу на 45 пазіцый і цяпер займае 364-е месца. Цікава, што летась беларуская сталіца, наадварот, паднялася на 44 пазіцыі. У межах Усходняй Еўропы ў Мінска 26-е месца (-3).

Аўтары дакладу ўсё яшчэ адзначаюць вялікі патэнцыял для поспеху, якога Беларусь магла б дасягнуць на рэгіянальным і глабальным узроўні — у тым ліку дзякуючы высокай кваліфікацыі мясцовых айцішнікаў і наяўнасці — у мінулым — разумнай палітыкі ў развіцці стартап-экасістэмы. Але, як і летась, у картцы Беларусі гаворка ідзе пра палітычную нестабільнасць і міжнародную ізаляцыю, а таксама адток каштоўных кадраў. Згадваюцца Wargaming, EPAM і Flo, якія рэлакаваліся, а таксама прызнаны нядаўна «экстрэмісцкім» стартап-хаб Imaguru, які працягвае падтрымліваць пачынаючых прадпрымальнікаў з Іспаніі. У асноўным у Беларусі застаюцца стартапы на пасеўнай і перадпасеўнай стадыі.

У выніку — велізарная прорва паміж сапраўдным патэнцыялам Беларусі і тым, што мы маем сёння. Рэцэпт ад StartupBlink — вярнуць давер інвестараў і мясцовых прадпрымальнікаў, а таксама стымуляваць вяртанне тых, хто эміграваў. Акрамя таго, гэтых людзей трэба пераканаць базаваць свае кампаніі ў Беларусі і разглядаць яе як патэнцыйны рынак.