Беларусь упала на 70 месца ў глабальным рэйтынгу краін па лічбавым дабрабыце

Краіны ранжыраваліся паводле пяці крытэраў:

• даступнасць інтэрнэту (колькі жыхарам разгляданых краін трэба працаваць, каб дазволіць сабе стабільны інтэрнэт);
• якасць інтэрнэту (хуткасць і стабільнасць падключэння);
• электронная інфраструктура (яе развітасць і маштабнасць);
• бяспека (здольнасць краін супрацьстаяць кіберзлачынствам і абарона прыватнасці карыстальнікаў);
• электронны ўрад (узровень лічбавізацыі дзяржпаслуг).

Беларусь у агульным заліку заняла 70 пазіцыю — на адну ніжэй, ніж годам раней. Найлепшы паказчык (37) яна прадэманстравала ў катэгорыі даступнасці інтэрнэту. Але па ўсіх катэгорыях, акрамя электроннай бяспекі, назіраецца зніжэнне.

У цэлым першыя 9 радкоў спіса займаюць краіны Еўропы. Узначальвае яго Францыя, а на 10 месцы размясціўся Сінгапур. Леташні лідар — Ізраіль — гэтым разам апынуўся на 17 месцы, а ЗША і Паўднёвая Карэя выпалі з топ-20.

Поўную версію рэйтынгу можна паглядзець па спасылцы.