Беларусь заваблівае замежных майнераў

Панчанка кажа, што ў апошні час у Беларусь заходзіць шмат майнераў — напрыклад, з Расіі, Кітая і іншых азіяцкіх краін. Па яго словах, зараз яны вывучаюць рынак і цікавяцца тарыфамі. Дадаў, што ў Беларусі «рады ўсіх бачыць», але супрацоўніцтва павінна быць «узаемапрымальным, гэта значыць выгадна і самім майнерам, і беларускай энергасістэме».

Кіраўнік «Белэнерга» ўдакладніў, што майнерам прапануюць разгледзець усю краіну, уключаючы Віцебскую і Гродзенскую вобласці. Але часцей за ўсё яны для ўсталявання абсталявання аддаюць перавагу Мінску і ваколіцам. Запытваюць магутнасці ў 50, 100 і нават 300 МВт. Дэталі праектаў захоўваюць у сакрэце.

Замежныя кампаніі ўжо працуюць у сферы майнінгу ў Магілёўскай і Брэсцкай абласцях. Так, кітайскія інвестары будуюць майнінгавую ферму ў Крычаўскім раёне.