«Шанец знайсці працу ў снежні імкнецца да адзінкі». Беларус расказвае пра рынак працы ў фінскім ІТ

Спецыяліста па відэа- і арт-прадакшану родам з Беларусі Аляксандра нядаўна амаль звольнілі з фінскай кампаніі Redhill Games. Амаль — бо дэ-юрэ яго адправілі ў furlough, або адпачынак. Пра тое, што гэта такое і ці лёгка з яго выйсці ў сучасных рэаліях, айцішнік піша на старонцы ў лінкедзіне. Перасабралі ягоныя пасты.

Рэаліі ў Фінляндыі

— Рынак геймдэву тут не такі ўжо вялікі. Так, Supercell, Remedy, Rovio — гэта ўсё фінскія гіганты, але па-за межамі гэтых імёнаў індустрыя маленькая. На нэтворкінгу сустракаеш адных і тых жа людзей з розных кампаній. Пакуль адныя студыі зарабляюць, іншыя выжываюць або проста спрабуюць трымацца на плаву.

Нашая кампанія не выключэнне: 9 чалавек звольнілі, 16 адправілі на furlough.

Што звальненні, што «фурлоў» — гэта такі сабе стан. Тут без працы рабіць няма чаго, бо плаціць па рахунках трэба ўсё роўна. У Фінляндыі ёсць прафсаюзы, якія працуюць. Уступіўшы ў прафсаюз, праз паўгода можна разлічваць на рознага роду бенефіты. Напрыклад, у выпадку звальнення альбо «фурлоў» можна разлічваць на фінансавую падтрымку ў памеры каля паловы зарплаты. Гэтых грошай мае хапіць на арэнду кватэры і ежу.

Калі ў прафсаюз не ўступіць, то дапамагае дзяржава, але ў меншым аб’ёме. Але, я думаю, калі хочаш знайсці працу, — знойдзеш. Можна працаваць як ІП, але падатковая нагрузка ў гэтым выпадку высокая. Каб атрымаць умоўныя 1000 еўра, трэба закладваць у кошт 1500-1700 — не кожны кліент пагодзіцца.

За 3,5 гады ў Redhill Games я перажыў многае. Акрамя рознага роду росту, стратэгічнага планавання і стварэння рознага арту, я працаваў поплеч з Blizzard, пра які няможна было казаць. Гэта калі ваш маркетынг на ўзроўні «скажы то, не ведаю што, каб кандыдаты да нас усё ж прыйшлі». Было крута! І я вельмі ўдзячны за ўсё, што я дазнаўся ў Redhill, і за цудоўную каманду, з якой працаваў.

Я лічу, што праблемы кампаніі — гэта не твае праблемы. Мой «фурлоў» пачаўся ўчора, але я не збіраюся марнаваць гэты час на пошукі сэнсу жыцця.

Пра пошукі працы ў снежні

Усе геймдэў-кампаніі ў Фінляндыі штогод збіраюць у каталог, яго можна паглядзець на neogames.fi. Адкрываючы сайты кампаній, разумееш, што хайраць адзінкі.

А шанец знайсці працу ў снежні імкнецца калі не да нуля, то да цвёрдай адзінкі. З добрых навін: атрымліваючы адмовы, я адразу знаходжу прычыны, чаму мне наогул не варта было туды падавацца. 

Чаму вас могуць не ўзяць, нават калі вы падыходзіце

У Фінляндыі вас не будуць разглядаць на пазіцыю, нават калі вы падыходзіце, але альбо overqualified, альбо ваш вопыт з сумежнай вобласці.

«Гэта та-а-ак несправядліва!» — думаў я. А потым атрымаў цалкам лагічнае тлумачэннеТак, тут усё сумленна. Ну, хочацца верыць.

Фінскія навучальныя ўстановы рыхтуюць спецыялістаў, напрыклад, сакратароў. І калі вы, будучы супер-пупер-HR-менеджарам, дасведчаным настаўнікам або прадзюсарам, упэўненыя, што справіцеся з працай сакратара, вас, хутчэй за ўсё, усё роўна не возьмуць. Чаму? Проста, уладкаваўшы вас, працадаўцы не змогуць працаўладкаваць тых, хто спецыяльна вучыўся на сакратара. А гэта ўжо дакладна несправядліва.

Што яшчэ трэба ведаць пра мясцовыя традыцыі

І наогул, фінскія кампаніі ў цэлым паводзяцца аднолькава. Тут, напрыклад, прынята сыходзіць на вакацыі. Каляды і лета — гэта святы час, калі студыі могуць проста эм… закрыцца на пару тыдняў! Якая ўжо тут праца, калі трэба да святаў рыхтавацца? Кажуць, раней нават харчовыя крамы на святы закрываліся. Не паспеў купіць хлеба? Ну што ж, пячы сам.

А вось у месцах, адкуль я родам, канец снежня — гэта пажар! Памятаю, як у Мінску 31 снежня я амаль увесь дзень дарабляў ролік пра новую фізіку ў World Of Tanks, а потым ужо адправіўся святкаваць Новы год. Цяпер і не згадаю, ці думаў я тады пра самое свята.

Усё гэта прымушае мяне задумацца: што важнейшае — стабільнасць або гнуткасць? Сумленнасць або магчымасці?

Ці памятаеце вы, як беларускае ІТ ператварылася ў феномен? Мы вучыліся адно ў аднаго, дзяліліся першымі поспехамі, разам радаваліся, калі нашыя кампаніі, прадукты і каманды атрымлівалі сусветнае прызнанне. Сёння многія з нас — у розных краінах, таму яшчэ важней захоўваць сувязі і працягнуць развіццё. 16 гадоў dev.by — «дэфолтная» крыніца інфармацыі пра беларускае ІТ, пляцоўка для камунікацыі і абмену вопытам. Разам мы пераадольваем крызісы, трымаем удары, радуемся поспехам, спадзяемся. 

Цяпер вы можаце дапамагчы dev.by. Калі ўсе спосабы манетызацыі беларускіх медыя амаль зніклі, рэгулярныя данаты дазваляюць плаціць заробкі рэдактарам і аўтарам, рыхтаваць важныя матэрыялы.

Калі вы маеце магчымасць і лічыце нашую працу важнай, падтрымайце dev.by.

В сентябре игровые компании уволили больше тысячи человек — это максимум с апреля

По теме

В сентябре игровые компании уволили больше тысячи человек — это максимум с апреля

«Ночами разгружал ящики». QA дважды был без работы в Польше, но нашёл выход

По теме

«Ночами разгружал ящики». QA дважды был без работы в Польше, но нашёл выход