Беларусам да 27 гадоў цяпер будзе патрэбна даведка з ваенкамата, каб атрымаць пашпарт, правы кіроўцы

У пераліку дакументаў, якія грамадзянін Беларусі, які дасягнуў 14-гадовага ўзросту, павінен прадставіць у аддзел па грамадзянстве і міграцыі для атрымання пашпарта, з’явілася «даведка ваеннага камісарыята (яго адасобленага падраздзялення), органа дзяржаўнай бяспекі аб адносінах да вайсковага абавязку». Такую даведку запатрабуюць ад усіх мужчын ва ўзросце ад 18 да 27 гадоў, за выключэннем тых, хто аформіў пастаяннае пражыванне за межамі Беларусі і/або знаходзіцца на пастаянным консульскім уліку.

Даведка з ваенкамата таксама спатрэбіцца пры:

• атрыманні ідэнтыфікацыйнай карткі, у т. л. новай узамен страчанай;
• абмене пашпарта традыцыйнага ўзору і ID-карткі;
• выдачы і абмене біяметрычнага пашпарта;
• выдачы і абмене пасведчання кіроўцы;
• аднаўленні права кіравання аўтамабілем пасля пазбаўлення правоў кіроўцы і вяртанні пасведчання кіроўцы;
• атрыманні дазволаў на набыццё, захоўванне і нашэнне грамадзянскай зброі, а таксама працягу гэтых дазволаў.

Сама выдача даведкі аб адносінах да воінскага абавязку — новая адміністрацыйная працэдура. Выдаваць яе будуць ваенкамат або орган дзяржбяспекі ў залежнасці ад таго, да чаго прыпісаны вайскова-абавязаны.

Даведку будуць выдаваць бясплатна на працягу 1 працоўнага дня. Дзейнічаць яна будзе 6 месяцаў. Каб яе атрымаць, трэба будзе прад’явіць ваенны білет (пасведчанне прызыўніка) або іншы дакумент воінскага ўліку, а пры іх адсутнасці — дакумент, які сведчыць асобу, напрыклад, пашпарт.

У Беларусі хочуць увесці лічбавыя пашпарты

Па тэме

У Беларусі хочуць увесці лічбавыя пашпарты

У Беларусі ўвялі навінкі для кіроўцаў — некаторыя працэдуры цяпер даступныя аддалена

Па тэме

У Беларусі ўвялі навінкі для кіроўцаў — некаторыя працэдуры цяпер даступныя аддалена