З наступнага года бацькі ў Беларусі будуць абавязаны абараняць дзяцей ад «шкоднай» інфармацыі ў інтэрнэце. Пра гэта піша БелТА са спасылкай на старшага інспектара па асобых даручэннях аддзела па арганізацыі працы інспекцый па справах непаўналетніх МУС Рамана Бардзеева.
З наступнага года бацькі ў Беларусі будуць абавязаны абараняць дзяцей ад «шкоднай» інфармацыі ў інтэрнэце. Пра гэта піша БелТА са спасылкай на старшага інспектара па асобых даручэннях аддзела па арганізацыі працы інспекцый па справах непаўналетніх МУС Рамана Бардзеева.
Ён адзначыў, што ўжо распрацаваны прававы акт, які ўдасканаліць ахову дзяцінства і правоў дзіцяці. «Унесены змены ў закон аб правах дзіцяці і ў кодэкс аб шлюбе і сям'і. Зменамі былі замацаваны абавязкі бацькоў забяспечваць абарону дзяцей ад інфармацыі ў інтэрнэце, якая прычыняе шкоду іх здароўю і развіццю», — расказаў інспектар.
Таксама дзяржаўныя органы і іншыя арганізацыі будуць абавязаны інфармацыйна-кансультатыўна дапамагаць бацькам абараняць дзяцей ад непажаданай інфармацыі. Асноўныя палажэнні закона ўступяць у сілу ў наступным студзені.
Бардзееў сказаў, што летам заўсёды вышэй верагоднасць уцягвання дзяцей у супрацьпраўныя дзеянні, бо шмат вольнага часу і мала кантролю з боку бацькоў. Таму праваахоўнікі «ў гэты перыяд накіраваны на арганізацыю занятасці дзяцей, павышэнне ўзроўню іх лічбавай пісьменнасці і правядзенне розных прафілактычных мерапрыемстваў у аздараўленчых і прышкольных лагерах».
Інспектар падкрэсліў, што ў першую чаргу бацькі павінны растлумачыць сваім дзецям правілы паводзін у інтэрнэце і нагадваць пра небяспекі, якія там хаваюцца. «Чым раней пачаць прывіваць навыкі бяспечнага ўзаемадзеяння з віртуальным асяроддзем, тым мацней яны засвояцца. Тлумачым, што менавіта на бацьках ляжыць адказнасць за здзяйсненне супрацьпраўных дзеянняў іх дзецьмі і яны ў першую чаргу павінны ажыццяўляць кантроль за тым, чым падлеткі займаюцца ў віртуальнай прасторы», — адзначыў ён.
Бардзееў дадаў, што калі бацька занадта клапатлівы і кантралюе дзіця «татальна», то дзіця можа замкнуцца і спрабаваць пазбегнуць нагляду. Ён прапанаваў выкарыстоўваць праграмы бацькоўскага кантролю. «Іх існуе вялікая колькасць як для кантролю мабільных тэлефонаў, так і для камп’ютараў або ноўтбукаў. Іх таксама можна спампаваць і ўсталяваць бясплатна. Гэтыя аплікацыі абмяжоўваюць тыя ці іншыя функцыі гаджэтаў. У іх можна адгарадзіць дзіця ад неспрыяльных сайтаў, працяглага знаходжання ў інтэрнэце або гульнях, а таксама кантраляваць яго актыўнасць у інтэрнэце і не дапускаць азнаямлення з непажаданым кантэнтам. Таксама можна адсочваць, дзе знаходзіцца дзіця ў любы момант па геалакацыі і шмат іншага», — параіў інспектар.
Але напрыканцы сказаў, што ніякія гаджэты і праграмы не змогуць замяніць простай бацькоўскай любові і граматна выбудаванай камунікацыі з дзіцём, таму перш за ўсё бацькі павінны будаваць «адносіны даверу» з дзецьмі.
Рэлацыраваліся? Цяпер вы можаце каментаваць без верыфікацыі акаўнта.
не допускать ознакомления с нежелательным контентом... Только вот где список этого контента почитать ? Разместили бы у себя на сайте МВД каталог со ссылками. Иначе как родителям проверить желательный это контент или нет. Как отвечать родителям, если МВД списки нежелательного контента в паблик не размещает
Карыстальнік адрэдагаваў каментарый 18 ліпеня 2025, 16:18