Беларускія школьнікі змогуць карыстацца нейрасеткамі проста на занятках, а студэнты будуць вывучаць спецкурс па ШІ
Міністэрства адукацыі расказала ў сваім тэлеграм-канале пра ШІ-інавацыі, якія з’явяцца ў школах і ВНУ Беларусі з 1 верасня.
З новага навучальнага года беларускім школьнікам дазволяць карыстацца нейрасеткамі на занятках. Для настаўнікаў інфарматыкі ўжо распрацаваны пілотны навучальны блок па выкарыстанні ШІ. Цяпер педагогі праходзяць навучанне на базе ПВТ і Акадэміі адукацыі.
У Акадэміі адукацыі адзначаюць, што педагогі ўжо цяпер выкарыстоўваюць нейрасеткі для генерацыі выяў, табліц, малюнкаў, відэа і аўдыёкантэнту. З мэтай павышэння кваліфікацыі для кіраўнікоў устаноў адукацыі, у тым ліку дашкольных, і для настаўнікаў-метадыстаў былі распрацаваны навучальныя модулі па выкарыстанні ШІ ў адукацыі.
Таксама з 1 верасня студэнты ВНУ пачнуць вывучаць новы спецкурс «Асновы выкарыстання тэхналогіі штучнага інтэлекту».
Читать на dev.by