Першы віцэ-прэм’ер Мікалай Снапкоў сцвярджае, што беларуска-кітайскаму супрацоўніцтву ў сферы ШІ патрэбны дадатковы імпульс. Пра гэта ён сказаў у інтэрв’ю каналу «Беларусь 1» падчас Пуцзянскага інавацыйнага форуму ў Шанхаі.
Першы віцэ-прэм’ер Мікалай Снапкоў сцвярджае, што беларуска-кітайскаму супрацоўніцтву ў сферы ШІ патрэбны дадатковы імпульс. Пра гэта ён сказаў у інтэрв’ю каналу «Беларусь 1» падчас Пуцзянскага інавацыйнага форуму ў Шанхаі.
Снапкоў назваў ШІ «самай адчувальнай, самай складанай і самай перспектыўнай тэмай» у адносінах з Кітаем. «Тое, што датычыцца ўсіх астатніх напрамкаў — біятэхналогій, нана, новыя матэрыялы авіябудавання, беспілотныя апараты і гэтак далей, па вялікім рахунку, мы бачым нармальнае паступальнае супрацоўніцтва і стварэнне прадукту», — адзначыў чыноўнік.
Эксперт дадаў, што ў ШІ Кітай «наперадзе планеты ўсёй», таму што «1,3 млрд чалавек — гэта 1,3 млрд інфармацыі [sic]».
«Чым больш інфармацыі, тым правільней выбудоўваюцца алгарытмы ШІ. Таму мы не маглі ў прынцыпе, зыходзячы з нашых 9 млн, валодаць той інфармацыяй, а адпаведна сфармаваць тыя правільныя алгарытмы, якія фарміруюць ШІ. Таму тут вельмі важна будзе атрымаць, пазычыць досвед і напрацоўкі, і алгарытмы», — патлумачыў Снапкоў.
Кажучы пра кааперацыю ў галіне інавацый, ён адзначыў, што без іх немагчыма развіццё і што нельга «жыць на старым багажы».
«Мы заўсёды павінны ісці наперад, ствараць новае. І ўкараняць яго. Таму што без гэтага мы не выйграем канкурэнцыі, што ўзмацняецца ў свеце, па напрамках — усім. Таму, на мой погляд, з пункту гледжання ўстойлівасці эканамічнай Шанхайскай арганізацыі супрацоўніцтва інавацыі павінны стаяць пунктам нумар 1. І мы бачым сёння, як крыху трансфармавалася стрыжнявая накіраванасць арганізацыі. Яна ж была створана з пункту гледжання бяспекі, а сёння яна элегантна трансфармуецца не толькі ў бяспеку, але і ў эканамічнае супрацоўніцтва», — кажа чыноўнік. Па яго словах, гэтаму спрыяе «знешняе агрэсіўнае асяроддзе» і «жорсткія дзеянні з боку моцных свету гэтага», гэта значыць заходніх краін.
Релоцировались? Теперь вы можете комментировать без верификации аккаунта.
это потому что от вас утекли самые современные трафики, а абонентское приложение 13 миллионов установок установлено у 9 млн абонентов