Першы намеснік міністра сувязі і інфарматызацыі Беларусі Павел Ткач распавёў пра ШІ і спадарожнікавую сувязь у эфіры СТБ.
Першы намеснік міністра сувязі і інфарматызацыі Беларусі Павел Ткач распавёў пра ШІ і спадарожнікавую сувязь у эфіры СТБ.
Чыноўніка спыталі пра падыходы Беларусі і Расіі да ШІ і пра тое, «можа, у нас нейкае агульнае міністэрства з’явіцца ці агульны нейкі камітэт па даследаванні» тэхналогіі ці нават «саюзны штучны інтэлект».
Ткач адказаў, што ў свеце ёсць некалькі варыянтаў рэгулявання ШІ, але Беларусь у гэтым плане яшчэ ніяк не прасунулася. Але «уважліва сочыць» за расійскімі ідэямі.
«Мы ўжо стварылі ў сябе невялікі кластар вылічальны, дзякуючы нашым расійскім калегам змаглі ўжо разгарнуць невялікую мадэль, на якой мы зараз вывучаем, як можна апрацоўваць важныя адчувальныя дадзеныя на тэрыторыі Рэспублікі Беларусь, а не карыстацца тымі рашэннямі, якія знаходзяцца за мяжой», — сказаў ён. І дадаў, што бачыць тут «вялікую перспектыву», таму што «штучны інтэлект, напэўна, топ-1 з тых тэхналогій, якія ў найбліжэйшы час будуць прымяняцца».
Вядучая адзначыла, што Беларусь ідзе следам за Расіяй, але Ткач даў зразумець, што не ўсё так адназначна: «Скажам так, у нас ёсць свае цалкам сур’ёзныя, цікавыя напрацоўкі. Іншая справа, што ў нас не хапала сваёй інфраструктуры магутнай вылічальнай, але зараз мы гэта выраўноўваем і будзем працаваць разам».
Намеснік міністра дадаў, што беларускія праекты цікавыя расіянам. «Вядома, цікавыя менавіта з пункту гледжання прымянення ўжо тых рашэнняў, якія мы адпрацавалі, таму што мы перыядычна прэзентуем свае рашэнні, напрыклад, апрацоўка медыцынскіх выяў, таксама з прымяненнем штучнага інтэлекту. У нас ужо напрацавана пэўная база, ёсць пэўны досвед», — пахваліўся ён.
Ткач таксама сказаў, што ў Беларусі і Расіі можа з’явіцца сумесны аналаг Starlink. «Мы падтрымалі Расійскую Федэрацыю, калі яны заяўлялі сваю сетку ў Міжнародным саюзе электрасувязі, гэта „Бюро 1440“ так званае. Яна, вядома, яшчэ знаходзіцца на пачатковай стадыі развіцця пакуль, але тым не менш мы ўжо сустракаліся з калегамі, нам сапраўды цікава, каб не карыстацца або Starlink або яшчэ адным аператарам OneWeb», — адзначыў ён.
Гэта дазволіць дастаўляць інтэрнэт у месцы, дзе складана пабудаваць сотавыя сеткі або пракласці оптавалакно — напрыклад, на балотах і ў запаведніках Палесся. «Але хтосьці, напрыклад, адкрые сядзібу, і людзі ўсё роўна хочуць інтэрнэт, і гэта можа быць замена гэтых тэхналогій, мы ўзаемадзейнічаем», — паспрабаваў растлумачыць Ткач.
Паводле яго слоў, тэставыя расійскія спадарожнікі ўжо запушчаны, але другі пуск быў адкладзены. «Але тым не менш мы спадзяемся, што ў бліжэйшы час, у гэтым годзе яны абяцалі нам прадэманстраваць ужо на практыцы ўсю гэтую працу. Да аднаго гігабіта ў секунду дазваляе тэхналогія. Я думаю, што калі не ў гэтым, то ў наступным годзе ўжо можна будзе гаварыць пра тое, каб рэальна памацаць нам», — спадзяецца Ткач.
Рэлацыраваліся? Цяпер вы можаце каментаваць без верыфікацыі акаўнта.
Старлинк им совместный. Вы хотя бы не позорились с куда более дешевым и доступным мобильным интернетом, который вы аж целыми 30Гб на месяц ограничили в безлимитных тарифах. Спутниковый интернет на порядки дороже будет, даже у старлинка, не говоря уже про мифические бюро