За восем месяцаў 2026 года ў Нацыянальны цэнтр абароны персанальных дадзеных паступіла 700 скаргаў ад грамадзянаў — удвая больш, чым за аналагічны перыяд год таму. Людзі скардзяцца на камеры ў прыбіральнях, перадачу дадзеных трэцім асобам і ўцечкі, піша Onliner. У цэнтры лічаць, што праблема хутчэй не ў тэхнічных асаблівасцях абароны дадзеных, а ў чалавечым фактары пры іх захоўванні і апрацоўцы.
За восем месяцаў 2026 года ў Нацыянальны цэнтр абароны персанальных дадзеных паступіла 700 скаргаў ад грамадзянаў — удвая больш, чым за аналагічны перыяд год таму. Людзі скардзяцца на камеры ў прыбіральнях, перадачу дадзеных трэцім асобам і ўцечкі, піша Onliner. У цэнтры лічаць, што праблема хутчэй не ў тэхнічных асаблівасцях абароны дадзеных, а ў чалавечым фактары пры іх захоўванні і апрацоўцы.
«Больш за 90% выпадкаў махлярства перайшло ў анлайн, дзе такім выпадкам заўсёды папярэднічае збор персанальных дадзеных у чалавека», — заявілі на сённяшнім Дні адчыненых дзвярэй у НЦАПД.
Чвэрць звяртанняў у гэтым годзе звязана са сферай гандлю і паслуг, аднак усё часцей людзі скардзяцца на распаўсюджванне асабістых дадзеных у сацсетках, выкарыстанне відэакамер і аўдыёзапісу без законных падстаў.
Сярод рэзанансных выпадкаў — камера ў жаночай прыбіральні, «якой там, зразумела, не павінна было быць», падкрэсліў дырэктар цэнтра Андрэй Гаеў. Буйных уцечак у гэтым годзе было ўсяго тры, але адна з іх закранула больш за 100 тысяч запісаў. Гаеў кажа, што праблема часта не ў тэхніцы, а ў людзях: з 33 паведамленняў аб парушэннях 19 звязаны з чалавечым фактарам. Таму асноўны акцэнт зроблены на навучанні і тлумачэнні — амаль за пяць гадоў розныя прафілактычныя мерапрыемствы ахапілі больш за 50 тысяч чалавек.
«Важна і тое, як змяняюцца паводзіны арганізацый. Сёлета без негатыўных наступстваў было выдалена каля 4,5 млн залішніх запісаў, якія апрацоўваліся з парушэннямі, летась гэтая лічба дасягала 7,5 млн», — адзначыў Гаеў. Зніжэнне аб’ёму, паводле яго, кажа не пра меншую актыўнасць Цэнтра, а хутчэй пра тое, што бізнес стаў больш усвядомлена падыходзіць да збору і захоўвання дадзеных.
Як адзначае выданне, улады падрыхтавалі законапраект, які спрашчае патрабаванні да згодаў, уводзіць дакладныя правілы для відэаназірання і аўдыёзапісу і рэгулюе апрацоўку дадзеных з дапамогай ШІ-сістэм. Апошняе слова ў такіх рашэннях павінна заставацца за чалавекам, падкрэслілі ў цэнтры.
Для малога бізнесу прадугледжаныя палёгкі, напрыклад магчымасць прыцягваць старонніх спецыялістаў без стварэння ўласнага штату. Пытанне аб павелічэнні штрафаў пакуль адклалі, каб даць бізнесу час адаптавацца, а правапрымяняльнай практыцы — назапасіцца.
Релоцировались? Теперь вы можете комментировать без верификации аккаунта.