Праект беларусаў Doctorina з’явіўся на Product Hunt. Гэта медыцынскі асістэнт на базе штучнага інтэлекту, які дазваляе адсочваць стан здароўя і атрымліваць рэкамендацыі па яго падтрыманні. Распрацоўшчыкі плануюць ахапіць мільярды людзей, асабліва ў рэгіёнах, дзе тэлемедыцына — адна з нешматлікіх магчымасцяў атрымаць якасную дапамогу.
Праект беларусаў Doctorina з’явіўся на Product Hunt. Гэта медыцынскі асістэнт на базе штучнага інтэлекту, які дазваляе адсочваць стан здароўя і атрымліваць рэкамендацыі па яго падтрыманні. Распрацоўшчыкі плануюць ахапіць мільярды людзей, асабліва ў рэгіёнах, дзе тэлемедыцына — адна з нешматлікіх магчымасцяў атрымаць якасную дапамогу.
Аўтар ідэі і фаўндар — Юрый Мельнічэк, які прафінансаваў праект праз уласны фонд Melnichek Investments. Разам з ім у камандзе яшчэ тры кафаўдэры і дзевяць супрацоўнікаў. Яны жывуць у розных краінах — Італіі, Германіі, Польшчы, Гватэмале, Беларусі і на Кіпры.
Распрацоўшчыкі хочуць зрабіць медыцынскія кансультацыі даступнымі для кожнага, стварыць паўнавартасную анлайн-клініку без жывых дактароў. Асноўнае адрозненне праекта ад ChatGPT, які можа даваць парады па любых тэмах, у тым, што чат-бот ад OpenAI не прызначаны спецыяльна для медыцынскіх кансультацый і не праводзіць іх такім чынам, каб на падставе некалькіх сімптомаў давесці чалавека да лагічнага заключэння, а таксама ў цэлым недастаткова надзейны.
У Doctorina стварылі сістэму ацэнкі якасці і ўдасканальвалі ўласную мадэль да таго часу, пакуль яна не пачала стабільна пераўзыходзіць дактароў. Сістэма будзе прафесійна праводзіць кансультацыі, ставіць дыягназы і рабіць прызначэнні. У 2026 годзе каманда плануе атрымаць ліцэнзію medical device.
ШІ-асістэнт ужо даступны бясплатна ў бэта-рэжыме на Android і ў вэб-версіі, а на iOS працуе ў рэжыме публічнага TestFlight.
Рэлацыраваліся? Цяпер вы можаце каментаваць без верыфікацыі акаўнта.