Николай Чикишев 4 лістапада 2024, 12:10

Бельгія далучаецца да расследавання Дурава

Пракуратура Бельгіі далучаецца да французскага расследавання, падазраючы, што Telegram выкарыстоўваўся для гандлю зброяй. Бізнэсмен дагэтуль знаходзіцца пад наглядам французскай паліцыі.

Пакінуць каментарый

Бельгія далучаецца да расследавання Дурава

Пракуратура Бельгіі далучаецца да французскага расследавання, падазраючы, што Telegram выкарыстоўваўся для гандлю зброяй. Бізнэсмен дагэтуль знаходзіцца пад наглядам французскай паліцыі.

Федэральная пракуратура Бельгіі аб’ядноўвае намаганні з французскімі ўладамі ў рамках расследавання дзейнасці месенджара Telegram. Бельгійскія пракуроры праводзяць уласнае расследаванне ў дачыненні да Telegram ад 2020 года. Цяпер яны будуць супрацоўнічаць з французскімі калегамі, якія пры канцы жніўня вылучылі шэраг абвінавачванняў у адрас заснавальніка Telegram Паўла Дурава.

Аб’яднаная следчая група дазволіць праваахоўным органам абедзвюх краін абменьвацца вынікамі расследаванняў і праводзіць сумесныя дзеянні. Прадстаўнік бельгійскай пракуратуры патлумачыў неабходнасць стварэння групы тым, што падазраваныя амаль ва ўсіх справах аб гандлі зброяй выкарыстоўвалі Telegram для камунікацыі.

Францыя абвінаваціла Паўла Дурава ў адмове ад супрацоўніцтва з уладамі. Пры канцы жніўня Дураў быў затрыманы ў парыжскім аэрапорце Ле-Буржэ, пазней парыжскі суд вызваліў бізнэсмена пад нагляд паліцыі з абавязкам унесці заклад у памеры 5 мільёнаў еўра, з’яўляцца ў паліцэйскі ўчастак два разы на тыдзень і не пакідаць краіны.