Інвестар Майкл Б’юры, які праславіўся дзякуючы прагнозу іпатэчнага крызісу 2008 года, раскрытыкаваў фінансавыя справаздачы найбуйнейшых ШІ-кампаній і папярэдзіў пра набліжэнне абвалу.
Інвестар Майкл Б’юры, які праславіўся дзякуючы прагнозу іпатэчнага крызісу 2008 года, раскрытыкаваў фінансавыя справаздачы найбуйнейшых ШІ-кампаній і папярэдзіў пра набліжэнне абвалу.
У серыі публікацый у X інвестар абвінаваціў Meta і Oracle у штучным завышэнні прыбытку за кошт змены графікаў амартызацыі абсталявання.
Паводле словаў Б’юры, толькі ў 2026–2028 гадах буйныя тэхналагічныя кампаніі могуць заніжаць рэальныя выдаткі на $176 мільярдаў. Гэта, па яго падліках, павялічвае справаздачныя прыбыткі Meta на 20,8%, а Oracle — на 26,9%.
Understating depreciation by extending useful life of assets artificially boosts earnings -one of the more common frauds of the modern era.
— Cassandra Unchained (@michaeljburry) November 10, 2025
Massively ramping capex through purchase of Nvidia chips/servers on a 2-3 yr product cycle should not result in the extension of useful… pic.twitter.com/h0QkktMeUB
Заявы Б’юры прагучалі адразу пасля таго, як ён закрыў свой фонд Scion Asset Management. Аналітыкі лічаць, што інвестар такім чынам вырашыў выйсці з «гульні з перакошанымі правіламі» і рыхтуецца да запуску новага праекта, анансаванага на 25 лістапада.
Пра падобную пагрозу папярэджваюць і іншыя ўдзельнікі рынку. Заснавальнік хэдж-фонду Callodine Capital Джым Мароў заявіў, што рынак ШІ «трымаецца на самым перапоўненым трэйдзе ў гісторыі». Паводле яго слоў, тэхналагічныя кампаніі масава павялічваюць тэрмін службы сервераў і GPU з трох–чатырох гадоў да шасці, каб часова схаваць выбуховы рост выдаткаў.
Эксперты адзначаюць, што гэта ідзе ўразрэз з рэальнасцю: цыкл абнаўлення ШІ-чыпаў Nvidia скараціўся да аднаго года, а іх эканамічны тэрмін службы значна меншы, чым мяркуюць у справаздачнасці.
The Economist раней назваў гэтую практыку «чатырохтрыльённай бухгалтарскай загадкай» і ацаніў, што вяртанне да рэалістычных тэрмінаў амартызацыі абрынула б гадавы прыбытак бігтэха на $26 мільярдаў, а ў горшых сцэнарыях — скараціла б сукупную рынкавую капіталізацыю на $4 трыльёны.
Некаторыя аналітыкі лічаць небяспеку завышанай. У Bank of America заявілі, што нядаўняя карэкцыя ў сектары звязана з макраэканамічнымі фактарамі, а попыт на ШІ-магутнасці застаецца ўстойлівым, уключаючы заказы на $500 мільярдаў на дата-цэнтры ў 2025–2026 гадах.
Тым не менш крытыкі ўказваюць на рызыкі перагрэву: рост капітальных выдаткаў, паскоранае састарэнне GPU, завіслыя без падключэння да электрасетак дата-цэнтры вартасцю дзясяткі мільярдаў, а таксама рэкордную канцэнтрацыю пенсійных грошай у шасці найбуйнейшых тэхналагічных кампаніях.
Рэлацыраваліся? Цяпер вы можаце каментаваць без верыфікацыі акаўнта.