Бізнэсмен прыдумаў фэйкавы ШІ і падмануў інвестараў на $4,5 млн
У Сінгапуры прадпрымальнік Онг Кай Мін прызнаў у судзе віну ў махлярстве супраць васьмі інвестараў, якім ён абяцаў даходнасць ад неіснуючай «ШІ-сістэмы» для біржавага гандлю.
У Сінгапуры прадпрымальнік Онг Кай Мін прызнаў у судзе віну ў махлярстве супраць васьмі інвестараў, якім ён абяцаў даходнасць ад неіснуючай «ШІ-сістэмы» для біржавага гандлю.
З 2019 па 2021 год Онг праз сваю кампанію Singapore Index Trading Institute (SITI) праводзіў курсы па гандлі на біржы і адначасова прыцягваў кліентаў. Ён запэўніваў іх, што яго фірма распрацавала праграму на базе ШІ, якая аўтаматычна здзяйсняе ўгоды і гарантуе даходнасць не ніжэй за 3% у месяц, а ў асобных выпадках да 10%.
На самай справе ніякай тэхналогіі не існавала. Гандаль нібыта вёўся праз «незалежнага брокера» C7TVL на платформе C7 Traders, але высветлілася, што кампанія, зарэгістраваная ў Вануату, таксама належала Онгу. Грошы інвестараў выкарыстоўваліся ім для асабістых патрэб, пры гэтым толькі каля $220 тысяч былі вернуты ў выглядзе запытаў на вывад сродкаў.
Зімой гэтага года Онг быў арыштаваны. 26 жніўня ён прызнаў віну па справе аб махлярстве на суму $3,2 мільёна даляраў, звязаным з сям’ю фізічнымі асобамі і адной кампаніяй. Суд таксама разглядае яшчэ 16 эпізодаў, што ў суме можа павялічыць аб’ём абвінавачванняў.
Акрамя абвінавачванняў у махлярстве прадпрымальнік таксама праходзіць па справе аб супрацьдзеянні правасуддзю: ён прасіў супрацоўніка выдаліць унутраныя дакументы і перапіску SITI і C7. Па законе Сінгапура яму пагражае да 10 гадоў пазбаўлення волі за кожны эпізод махлярства і да 7 гадоў турмы за знішчэнне доказаў.
Выяўлены першы ШІ-вірус на базе мадэлі OpenAI
Выяўлены першы ШІ-вірус на базе мадэлі OpenAI
ШІ забірае працу ў джуноў — цяпер гэта даказалі навукоўцы
ШІ забірае працу ў джуноў — цяпер гэта даказалі навукоўцы
CEO Coinbase: я звальняю праграмістаў, якія не выкарыстоўваюць ШІ
CEO Coinbase: я звальняю праграмістаў, якія не выкарыстоўваюць ШІ
Рэлацыраваліся? Цяпер вы можаце каментаваць без верыфікацыі акаўнта.
Ничего не меняется в этом мире. Во времена завоевания Америки по Европе бегали тысячи шарлотанов, которые обещали бешеные барыши за вложенные в якобы экспедиции деньги. Потом Золотая Лихорадка в США. Потом МММ. Сейчас вот ИИ. Как говорся "без лоха жизнь плоха".