world 22 жніўня 2025, 15:33

CEO Coinbase: я звальняю праграмістаў, якія не выкарыстоўваюць ШІ

Генеральны дырэктар крыптабіржы Coinbase Браян Армстранг прызнаўся, што звольніў частку супрацоўнікаў, якія не падключыліся да выкарыстання інструментаў штучнага інтэлекту на працы.

1 каментарый

CEO Coinbase: я звальняю праграмістаў, якія не выкарыстоўваюць ШІ

Генеральны дырэктар крыптабіржы Coinbase Браян Армстранг прызнаўся, што звольніў частку супрацоўнікаў, якія не падключыліся да выкарыстання інструментаў штучнага інтэлекту на працы.

У падкасце Cheeky Pint Армстранг распавёў, што кіраўніцтва чакала паступовага ўкаранення ШІ-інструментаў сярод інжынераў — да 50% за адзін-два кварталы. Аднак ён настаяў, каб супрацоўнікі асвоілі іх ужо на працягу тыдня.

«Я напісаў у Slack, што да канца тыдня кожны павінен прайсці анбордзінг. Калі не — сустракаемся ў суботу. І хачу пачуць тлумачэнні», — патлумачыў ён.

На сустрэчы аказалася толькі некалькі чалавек. Па словах Армстранга, частка з іх мелі паважлівыя прычыны, напрыклад камандзіроўкі, але астатнія былі звольненыя.

Кампанія цяпер праводзіць штомесячныя «AI speed run» трэнінгі, дзе супрацоўнікі вучацца ўжываць ШІ ў працы. Мэта — да канца квартала дасягнуць узроўню, пры якім палова кода будзе генеравацца ШІ.

Армстранг падкрэсліў, што гаворка не ідзе аб поўнай замене праграмістаў машынамі: «Вы не хочаце, каб сістэмы, што кіруюць грашыма, кадаваліся без праверкі. Чалавечы кантроль абавязковы».

Раней кіраўнік Google Сундар Пічаі таксама заяўляў, што інжынеры павінны выкарыстоўваць ШІ ў штодзённай працы, каб кампанія захавала лідарства ў тэхналагічнай гонцы.

Армстранг дадаў, што ШІ актыўна выкарыстоўваюць не толькі распрацоўшчыкі Coinbase, але і дызайнеры. Сам ён таксама рэгулярна ўжывае гэтыя інструменты: «Нават як CEO, я выкарыстоўваю яго вельмі часта».