Bloomberg: Apple плануе паказаць складаныя iPad і iPhone

Паводле слоў журналіста Bloomberg Марка Гурмана, прылада будзе нагадваць «гіганцкі iPad». Прататыпы гаджата ўжо распрацоўваюцца. Адной з галоўных задач інжынераў з’яўляецца стварэнне экрана без бачнай складкі. У прататыпах складка практычна непрыкметная, але пакуль не ясна, ці ўдасца кампаніі цалкам пазбавіцца ад яе. Samsung, першы вытворца тэлефонаў-складанчыкаў, беспаспяхова спрабаваў вырашыць гэтую праблему.

Apple, відаць, засяроджаная на стварэнні вялікіх складаных экранаў, якія змяшчаюцца ў заплечнік, а не на распрацоўцы кішэнных прылад з абмежаванай функцыянальнасцю. Хутчэй за ўсё, прылада будзе працаваць на мадыфікаванай версіі iPadOS. Да 2028 года iPadOS, як мяркуецца, будзе дастаткова развітай, каб запускаць праграмы macOS. Хоць гібрыд iPad і Mac чакаць не варта, прылада будзе спалучаць у сабе элементы абедзвюх.

Акрамя складанага iPad, Apple таксама распрацоўвае складаны iPhone з экранам дыяганаллю 18,8 цалі, але яго рэліз можа адбыцца не раней за 2026 год. Акрамя таго, Apple можа выпусціць OLED-версіі MacBook Pro ў 2026 годзе, а затым абнавіць MacBook Air OLED у 2027 годзе.